වකුගඩු රෝගය සම්බන්ධයෙන් ජනතාව දැනුවත් කිරීම, ප්‍රතිකාර ලබාදීම, රෝග නිවාරණය යනාදිය පදනම් කර ගනිමින් මේ නව වැඩපිළිවෙළ ක්‍රියාත්මක කෙරේ.
සෞඛ්‍ය, අධ්‍යාපන, පරිසර ඇතුළු අමාත්‍යාංශ කිහිපයක් එක්ව මේ වැඩපිළිවෙළ ක්‍රියාත්මක කරන අතර දැනට ප්‍රතිකාර ලබන රෝගීන්ගේ ජීවිත සුරක්ෂිත කිරීම, අවදානමට ලක්ව ඇති රෝගීන් ඉන් මුදා ගැනීම, වකුගඩු අක්‍රීයව පවතින රෝගීන්ට ප්‍රතිකාර ලබාදීම වඩාත් සක්‍රීය කිරීම මේ වැඩපිළිවෙළෙහි අරමුණවේ
උතුරු මැද පළාතේ වකුගඩු රෝගීන් සම්බන්ධයෙන් සවිස්තරාත්මක වාර්තාවක් සකස් කර ඔවුන්ට ප්‍රතිකාර කිරීම සම්බන්ධයෙන් මේ වන විටත් සැලසුම් සකස් කර තිබේ.
මේ වැඩපිළිවෙළ සාර්ථක කර ගැනීම සඳහා ලෝකයේ ස්වේච්ඡා සංවිධාන ඉදිරිපත්ව ඇති බවත් වකුගඩු රෝගීන්ට ප්‍රතිකාර ලබාදීම සඳහා දෙස් විදෙස් වෛද්‍යවරුන්ගේ කැමැත්ත මේ වන විටත් සෞඛ්‍ය අමාත්‍යාංශය වෙත පළ කර ඇති බවත් බව සෞඛ්‍ය අමාත්‍යාංශයේ වෛද්‍ය උපුල් ගුණසේකර මහතා පැවැසුවේය.
