චන්ද්‍රිකා තාක්ෂණය භාවිතර කරමින් පොළව අභ්‍යන්තරයේ ඇති වස්තූන් සොයා ගත හැකි නවීන උපකරණයක් ලබාගැනීමට මේ වනවිට ආතර් සී.ක්ලාක් මධ්‍යස්ථානය සමග පරීක්ෂණයක නිරත වී සිටින බවත්, එමගින් නිදන් කොල්ලය නැවැත්වීමට හැකිවන බවත් ජාතික උරුමයන් පිළිබද අමාත්‍ය ආචාර්ය ජගත් බාලසූරිය මහතා පවසයි.
''දෙලක්ෂ පනස්දාහකට වැඩි රට පුරා පිහිටි පුරාවස්තු සුරක්ෂිත කළයුතු ස්ථාන හඳුනාගෙන තිබෙනවා. උතුරු නැගෙනහිර ප‍්‍රදේශ වල තව තවත් ස්ථාන හමුවෙමින් පවතිනවා. මේ ස්ථාන සියල්ල රකින්න ක‍්‍රමවේදයක් හදන්න අමාරුයි. ඒත් අලූත් ක‍්‍රම සොයමින් ක‍්‍රියාත්මක කරමින් පවතිනවා'' යයිද ඇමතිවරයා කීය.
