පැවැති ආණ්ඩුවේ නියෝජ්‍ය ඇමැතිවරයකු සිටියදී ඔහුගේ ආරක්ෂාවට ඒ මහතාගේ නිවස අසල මහසෙන් මුරපොළට අනුයුක්ත කොට සිටි කන්තලේ පොලිස් නිළධාරීන්ව ඔහු මෛත්‍රීපාල සිරිසේන මහතාට සහය දැක්වීමත් සමඟ ඉවත් කළ නමුදු නැවත කැබිනට් ඇමැතිවරයකු ලෙස දිවුරුම් දීමෙන් පසුව එම පිරිස නැවත ඇමැතිවරයාගේ සේවය පිණිස ගෙන්වා ගෙන ඇත. පසුව ඊට අමතරව තවත් පොලිස් නිළධාරීන් 7 දෙනෙකුද කැඳවා ඇති අතර මේ වන විට එම කණ්ඩායමේ 28 දෙනෙකු සිටී.

ඇමැති ආරක්ෂක අංශයේ 6 දෙනෙකුද ඔහු වෙනුවෙන් ලබාදීමට රජය ක්‍රියාත්මක වී ඇත. එහෙත් අප වෙත වාර්තාවන පරිදි මෙලෙස ඇමැතිවරයාගේ ආරක්ෂාවට යැයි කියමින් සිටින පොලිස් නිළධාරීන් විසින් සිය රාජකාරීය පසෙක තබා එළවළු පළතුරු වෙළඳාම ආදී පළාතේ සුළු ව්‍යපාරික කටයුතුවල යෙදී සිටි.

එමෙන්ම මෙම පොලිස් නිළධාරින් ගෙන් 5 ත් 7ත් අතර ප්‍රමණයක් ඇමැතිවරයාගේ ගම්පහ පිහිටි නිවසේ කටයුතු වෙනුවෙන්ද සතිපතා යවන බවද හෙලිවේ. එහෙත් ඒ නීතී විරෝධි කටයුත්තක් වන අතර එසේ ආරක්ෂාවට යොදවා සිටින නිළධාරීන්ව ඇමැතිවරයා ගේ වෙනත් කටයුතු වෙනුවෙන් යොදවා ගැනීමට පොලිස්පතිවරයාගේ අවසරය තිබිය යුතුය.

කෙසේ නමුත් ඇමැති නිවසේ ආරක්ෂාවට මෙතරම් පොලිස් නිළධාරීන් ප්‍රමාණයක් යොදවා ගැනීම ගැටළු සහගතය.