මෙම චාරිකාවේ ජනාධිපතිවරයා ඉන්දීය ජනාධිපති ප්‍රනාබ් මුඛර්ජි හමුවීමටද නියමිත අතර ඉන්දීය අග්‍රාමාත්‍ය නරේන්ද්‍ර මෝදි සමඟ ද්විපාර්ශ්වික සාකච්ඡා පවත්වනු ඇත.
මීට අමතරව දේශපාලන පක්ෂ නායකයන් හා අනෙකුත් ප්‍රභූන් ද හමුවන ජනාධිපති මෛත්‍රීපාල සිරිසේන මහතා බුද්ධගයා විහාරස්ථානයේ සහ තීරුපති කෝවිලේ ආගමික වතාවත් සඳහාද සහභාගී වනු ඇත.
මෛත්‍රීපාල සිරිසේන මැතිතුමා ජනාධිපති ධූරයට පත්වීමෙන් පසු නිරත වන පළමු විදෙස් සංචාරය මෙයයි.
එමෙන්ම ලබන මාර්තු මාසයේදී චීනයේ සංචරයක නිරතවීමටද ජනාධිපතිවරයා සූදනමින් පසුවන බව ඇමැති රාජිත සේනාරත්න මහතා ඊයේ කැබිනට් තීරණ දැනුම් දීමේ මාධ්‍ය හමුවේදී පැවැසීය.
