ඔහු තවදුරටත් මෙරට දේශපාලන කටයුතුවල නිරතවීමේ අපේක්ෂාවෙන් පසුවන බවත් එහිදී ශ්‍රීලනීපයෙන් එම අවස්ථාව නොලැබුණ හොත් එක්සත් ජාතික පක්ෂයෙන් හෝ දේශපාලනය කිරීමට සූදානමින් පසුවන බවත් වැඩිදුරටත් දැන ගැනීමට ඇත.
කෙසේ නමුත් මේවන විට දැන ගැනීමට ඇති තොරතුරු අනුව ශ්‍රීලනීපයෙන් බැසිල් රාජපක්ෂ මහතාට ඉදිරි මහ මැතිවරණය සඳහා නාමයෝජනා නොලැබෙනු ඇත. ඊට බලපා ඇත්තේ වත්මන් ජනාධිපතිවරයාගේ බැසිල් විරෝධී ස්ථාවර බව ශ්‍රිලනීප ආරංචි මාර්ග පවසයි.
එමෙන්ම රාජපක්ෂ පවුලේ මතය වී ඇත්තේද ජනාධිපතිවරණ පරාජයට හේතුව බැසිල් රාජපක්ෂ බවය. විශේෂයෙන්ම නාමල් රාජපක්ෂ හා යෝෂිත රාජපක්ෂ මේ සම්බන්ධයෙන් දැඩි මතයක සිටින අතර බැසිල් රාජපක්ෂ යළි ශ්‍රී ලංකාවට පැමිණ දේශපාලනයෙහි නිරතවීම සම්බන්ධයෙන්ද ඔවුන් දැනටමත් දැඩි විරෝධයක් දක්වා තිබේ.
කෙසේ නමුත් බැසිල් රාජපක්ෂ මහතා ශ්‍රී ලංකාවට පැමිණ පසුගිය මැතිවරණ ව්‍යාපාරය හා ඔහුගේ වත්මන් දේශපාලන ස්ථාවරය ගැන මාධ්‍ය හමුවක් පැවැත්වීමටද සුදානමින් පසුවන බවත් දැන ගැනීමට ඇත.
