එල්ටීටීඊ සංවිධානය සතුව තිබූ නැව්, රත්‍රං, මුදල්, දේපළ වලට සිඳුවූ දැය ගැන පරික්‍ෂණ පැවැත්විය යුතු බවත් 2005 ජනාධිපතිවරණයදී එල්ටීටීඊ සංවිධානය විසින් උතුරු පළාත් ජනතාවට ජන්දය භාවිතා කිරීමෙන් වැලක්වීම ගැන පරික්‍ෂණ පවත්වන බවත් අගමැතිවරයා පසුගියදා පවසා සිටියේය.
එක්සත් ජාතික පක්‍ෂය කොටි සංවිධානය සමඟ සම්බන්‍ධකම් පැවැත්වූ බවට මහින්ද රජය චෝදනා කළ නමුත් ඇත්තෙන්ම කොටින් සමඟ සම්බන්‍ධකම් පවත්වාගෙන ගියේ ඔවුන් බවත් යුරෝපිය රටවල්වල කොටි සංවිධානයට එරෙහි තහනම දීර්ඝ කිරීමට පසුගිය රජය විසින් නිසි උනන්දුවක් නොදැක්වූ බවත් රනිල් වික්‍රමසිංහ මහතා පවසා තිබේ.
එමෙන්ම හිටපු ජනාධිපතිවරයා සිය අවසන් අමරිකානු සංචාරයේදී එල්ටීටීඊ සංවිධානයේ නායකයන් හමුවී සාකච්ඡාකළ බවටද වික්‍රමසිංහ මහතා පසුගිය ජනාධිපතිවරණ සමයේදී හෙළි කළේය.
කෙසේ නමුත් මේ වන විටත් එල්ටීටීඊ සංවිධානයෙන් අල්ලා ගන්න ලද රත්තරන් ටොන් 310ක් ජපානයට විකිණීම සම්බන්ධයෙන් වන රහසිගත ගනු දෙනුව ගැන අපරාධ පරීක්ෂණ දෙපාර්තමේන්තුව පරීක්ෂණ පවත්වයි.
