විශේෂ ව්‍යාපෘති ඇමති එස්. එම්. චන්ද්‍රසේන මහතා නොමිලේ භාණ්ඩ බෙදාදෙන බව පවසා කලාවැව මැතිවරණ කොට්ඨාශයේ කන්තාවන් පසුගිය ඉරිදා (13) තඹුත්තේගම, වෙහෙරගල බෞද්ධ මධ්‍යස්ථානයට කැඳවා ඇත.
එම ස්ථනයට කාන්තාවන් පැමිණ තිබෙන්නේ උදලු තල, වතුර ෆිල්ටර්, කාබනික පොහොර කට්ටල ජල ටැංකි, ප්ලාස්ටික් පුටු බලාපොරොත්තුවෙනි. නමුත් ඔවුන්ට සිදු වී තිබෙන්නේ ශ්‍රී ලංකා නිදහස් පක්ෂයේ කාන්තා නියෝජිත සම්මේලනයට සහභාගීවී බත් පැකට්ටුවකින් සෑහීමකට පත් වීමටය.
මෙම තත්වය දැනගත් එම කාන්තාවන් කෑ කෝ ගසමින් ආණ්ඩුවේ දේශපාඥයින්ටත් සංවිධායකයින්ටත් මෙවැනි තුට්ටු දෙකේ ලැජ්ජා නැති වැඩ නොකරන ලෙසත්, අහිංසක ජනතාව දේශපාලන උවමනාවන්ට යොදාගැනීමටත් විරෝධය පළ කර ඇත.
කුඩා දරුවන්ද රැගෙන මහත් බලාපොරොත්තුවකින් පැමිණ නැවතත් හිස් අතින් යැමට ඔවුන්ට සිදු වී තිබේ. මෙම අවස්ථාවට ගමනාගමන මණ්ඩලයේ බස් යොදාගෙන ඇති අතර බොහෝ ප්‍රදේශවල ජනතවට දුෂ්කරතාවන්ට මුහුණපෑමට ලක් වී ඇත.
