එම පුද්ගලයා 2011.03.21 දිනසිට වීරවංශ අමාත්‍යවරයා විසින් එම සංස්ථාවේ සාමන්‍යාධිකාරී තනතුරට පත්කරනු ලැබ සිට ඇති අතර මින් මාස කිහිපයකට ඔහු ඉන් ඉවත්කර ගොඩනැගිලි දෙපාර්තමේන්තුවේ අධ්‍යක්ෂ ජෙනරාල් නිලයකට පත්කරනු ලැබීය.
වීරවංශ පාලන සමයේදී රාජ්‍ය ඉංජිනේරු සංස්ථාව තුල සිදුවු දූෂිත ක්‍රියා රැසකට මෙම පුද්ගලයාද සම්බන්ධ බව පැවසෙන අතර එවකට ඉදිකිරීම් අමාත්‍යාංශයේ සිටි ප්‍රබලයකුද එම පාලනයෙන් බොහෝ වරප්‍රසාද ලබා ඇති බවටද තොරතුරු අණාවරනය වෙමින් පවතී.
එම ප්‍රබල නිලධාරියා දැනට නිවාස අමාත්‍යාංශයේද ප්‍රබල තනතුරක් දරණ අතර අදාල පත්කිරීම පිටුපස වීරවංශ අමාත්‍යවරයාගෙන් වරප්‍රසාද ලැබු ඉහත කී ප්‍රබල නිලධාරියා ද සිටින බව පැවසේ. මෙම පත්කිරීමත් සමඟ පසුගිය කාලයේ ඉංජිනේරු සංස්ථාව තුල සිදුවු දුෂිත ක්‍රියාවලට අදාල ලිපිලේඛන අස්ථානගත වීමේ අවධානමක්ද මතුව ඇති බව ඉංජිනේරු සංස්ථා අභ්‍යන්තර ආරංචි මාර්ග සඳහන් කරයි.
