13 වැනි ව්‍යවස්‌ථා සංශෝධනය ක්‍රියාත්මක කිරීමට සියලු පක්‍ෂවල එකඟතාවක්‌ ඇති බවට අගමැති රනිල් වික්‍රමසිංහ මහතා සිදුකර ඇති ප්‍රකාශය පිළිබඳ අදහස් දක්වමින් ජාතික හෙළ උරුමය එකඟ වන්නේ දින සියයට අදාළව මෛත්‍රීපාල සිරිසේන මහතාගේ ප්‍රතිපත්ති ප්‍රකාශනය ක්‍රියාත්මක කිරීම පමණක්‌ බව ජාතික හෙළ උරුමය ප්‍රකාශක නිශාන්ත වර්ණසිංහ මහතා මේ බව පවසයි.
ජනපතිවරණයේ ප්‍රතිපත්ති ප්‍රකාශනයේ 13 වැනි සංශෝධනය ක්‍රියාත්මක කිරීම පිළිබඳව කිසිවක්‌ සඳහන්ව නැති බවත් 13 වැනි සංශෝධනය ක්‍රියාත්මක කිරීම පිළිබඳව කිසිම සාකච්ඡාවක්‌ නොපැවැත්වී ඇතැයි නිශාන්ත වර්ණසිංහ මහතා පවසයි.
කෙසේ නමුත් ජනාධිපතිවරණය සඳහා මෛත්‍රීපාල සිරිසේන මහතාට සහය දැක්වීම සඳහා හෙළ උරුමය හා දෙමළ ජාතික සන්ධානය අතරවූ සාකච්ඡාවකදී මැතිවරණ වයාපාරය තුලදී 13 වන සංශෝධනය ගැන කතා නොකිරීමට දෙපාර්ශ්වය එකඟවී තිබිණි.
