මීට පෙර දමිළ භාෂාවෙන් ‘‘ජාතික චිත්රපට සංස්ථාව’’ යනුවෙන් සඳහන් කර තිබූ නමෙහි දෙමළ අකුරු අදාළ පුවරුවෙන් ගැලවී තිබුණ ද පෙර අකුරු අලවා තිබූ මැලියම් පවා තවමත් එහි දක්නට ඇත.
ඒ සම්බන්ධයෙන් ජාතික චිත්රපට සංස්ථාවේ සභාපති අශෝක සේරසිංහ මහතාගෙන් කල විමසීමකදී ඔහු පැවසුවේ, දෙමළ අකුරුවල පවතින දෝෂයක් හේතුවෙන් එය භාරගෙන ඇති කොන්ත්රාත්කරුවාට භාරදී ඇති බවයි. කිහිප අවස්ථාවක්ම එය නිවැරදි කළත් එම වරද නිතර නිතර සිදුවන බවද ඔහු පැවසිය. අවස්ථා දෙකකදී නිවැරදි කිරීම සිදු කළත් එය නිසිආකාරයෙන් සිදු නොමැති බවත් හැකි ඉක්මනින් නිවැරදි කිරීම සිදු කිරීමට උපදෙස් දී ඇති බවත් ඔහු වැඩිදුරටත් පැවසිය.
ජාතික චිත්රපට සංස්ථාව පිහිටා ඇති කොළඹ 07 බෞද්ධාලෝක මාවත ප්රදේශය සීඝ්ර සංවර්ධනයකට ලක්වෙමින් පවති. එවැනි ස්ථානයක පිහිටි මෙවැනි රාජ්ය ආයතනයක නාම පුවරුවේ මාසයක පමණ කාලයක සිට දෝෂ පැවතීම හාස්යයට කරුණකි.
(නෙත් එෆ්.එම්)
