ජන අරගල ව්‍යපාරයේ ඉදිරි පෙල ක‍්‍රියාකාරීන් වන ඔවුන් දෙදෙනා 2011 දෙසැම්බර් 9 වෙනිදා යාපනයේදී රාජපක්ෂ ආණ්ඩුවේ මෙහෙයවීමෙන් ආරක්ෂක අංශ විසින් පැහැරගන ගිය බවට තොරතුරු වාර්තා විය.
එවකට ජනමාධ්‍ය ඇමති කෙහෙලිය රඹුක්වැල්ල මහතා ඔවුන් රජය භාරයේ සිටින බව මාධ්‍යවේදින් හමුවේ පිළිගනු ලැබීය.
නැවත 2012 වසරේ අප්‍රේල් 12 දා මොවුන් දෙදෙනා කොටුව පොලිස් සුභසාධන ගොඩනැගිල්ලේ රඳවාගන සිටින බවට තොරතුරු හෙලිවිය. එම හෙලිදරව් වීමත් සමග එදිනම රත‍්‍රියේ මොවුන් දෙදෙනා දෙමටගොඩ අපරාධ කොට්ඨාශයට රැගෙන ආ අතර පසුව 2012 අප්‍රේල් 19 දා අළුයම 2.00 - 3.00 අතර කාලය තුල දෙමටගොඩ අපාරාධ කොට්ටාශයෙන් රැගෙන ගොස් ඇත.
මොවුන් දෛනා එක් අයෙක් AA-CO 26 ගරාජ් අංක දරන ඩිපෙන්ඩර් රථයෙන්ද අනෙක් පුද්ගලයා ඩොල්පින් වර්ගයේ සුදු වෑන් රථයෙන්ද වෙන වෙනම අපරාධ කොට්ඨාශ ගොඩනැගිල්ලෙන් පිටතට රැගෙන ගිය බවට තොරතුරු පවතී. අනතුරුව 2012 අප්‍රෙල් 19 දින සිට මෙම දෙදෙනා ගැන කිසිදු තොරතුරක් වාර්තා වී නැත.
මොවුන් පොලිස් සුභසාධන ගොඩනැගිල්ලේ සිට රැගෙන ඒමට වාහන වලට දමා ගනිද්දී හිසේ සිට දෙපතුල දක්වා රෙදි වලින් ආවරණය කර තිබී ඇත. ඊට හේතුව කෲර ලෙස වදදීමට වරින් වර පිළිස්සීම නිසා ඇතිවූ තුවාල පිටතට නොපෙනීමට බව පැවසේ. මොවුන් වාහනයට දමා ගනිද්දී දෙපාවල නියපොතු ගැලවීම හේතුවෙන් ඇගිලී ඉදිමී ඇවිද යාමට නොහැකි තත්වයක සිට ඇතැයි ඒ මොහොතේ අවට සිටි නිලධාරීන් දැක ඇත.
ලලිත් හා කූගන් පැහැර ගැනීමෙන් පසුව එවකට ජනමාධ්‍ය ඇමති කෙහෙලිය රඹුක්වැල්ල මහතා ඔවුන් දෙදෙනා අත්අඩංගුවේ පසුවන බවට මාධ්‍ය හමුවකදී ප‍්‍රසිද්ධියේ ප‍්‍රකාශ කළ අතර මෙම ප්‍රකාශය පිළිබඳව යාපනය මහේස්ත‍්‍රාත් වරයා අධිකරණය හමුවේ පෙනී සිටින ලෙස රඹුක්වැල්ල මහතාට තුන්වරක් නොතීසි නිකුත් කර ඇති නමුත් කෙහෙලිය රඹුක්වැල්ල මහතා අධිකරණය මග හරිමිනි සිටී.
කෙසේ නමුත් මේ සම්බන්ධයෙන් නිශ්චිත උත්තරයක් වත්මන් ආණ්ඩුව විසින් ලබා දිය යුතුය.
- ලංකා හෙරල්ඩ් ඇසුරෙනි
