විශේෂයෙන්ම ඊයේ (16) ඇමැතිවරු පිරිසක් අරලිය ගහ මන්දිරයේ කළ පරික්ෂාවකදී එහි එක කාමරයක් තුල තිබී රුපියල් මිළියන 120ක පමණ ගෙවීම් ඇතුලත් වව්චර් පත් විශාල ප්‍රමාණයක් සොයාගෙන තිබුණ අතර එම වව්චර්පත්වල ගෙවීම සිදු කරන ලද පුද්ගලයන් හා ඔවුන්ගේ ජාතික හැඳුනුම් පත් අංක පවා සටහන්ව තිබේ. ඒ අතර ඉහළ තනතුරු හෙබවූ රාජ්‍ය නිලධාරීන් රැසකගේ තොරතුරු හෙළිව ඇත. රාජ්‍ය නිලධාරීන්ට මෙලෙස දේශපාලන කටයුතුවලට සම්බන්ධ වීම නීතියෙන් තහනම්ය.
කෙසේ නමුත් මෙම මුදල් ලබාගෙන සිදු කළ කටයුතු මොනවාද? යන්නත් මෙම මුදල් අරලිය ගහ මන්දිරයෙන් නිකුත් කෙරුණෙ රජයට අයත් මුදල්ද ? යන්න ගැනත් පරීක්ෂා කළ යුතු බව නීතිඥාවරයකු අප හා පැවැසීය.
එමෙන්ම මෙ හා සමාන මුදලක්, මෙම ගෙවීම් සිදු කිරීමට පෙර දිවි නැගුම අරමුදලෙන් බැසිල් රාජපක්ෂ විසින් ලබා ගෙන තිබු බවටත් තොරතුරු හෙළිව පවතී.
