මේ අනුව දේශපාලනඥයන්, රාජ්‍ය නිලධාරීන් හා ව්‍යාපාරිකයන් විසින් තැන්පත් කරන මුදල් ගැන ස්විස් බලධාරීහු නිරීක්‍ෂණය කරති.
පසුගිය රාජපක්ෂ පාලන සමයේදී රාජපක්ෂ පවුල විසින් අයථා ලෙස මෙරටින් උපයා ගත් මුදල් ස්විස්ටර්ලන්ත බැංකුවල තැන්පත් කර ඇති බවට බරපතල චෝදනාවක් එල්ල විය. එහිදී කෙළින්ම ස්විස් බැංකුවල මුදල් තැන්පත් නොකර ෂීසෙල්ස් දූපත් හරහා එරට පුරවැසියන් ලෙස මෙම ස්විස් බැංකු ගිණුම් පවත්වාගෙන ගොස් ඇති බවද හෙළිව තිබිණි. ඒ අනුව අති විශාල මුදල් කන්දරාවක් ෂීසෙල්ස් වැසියන්ගේ නමින් පසුගිය වසර වලදී අසාමාන්‍ය ලෙස වර්ධනය වී තිබු බවද ජාත්‍යන්තර ආර්ථික විශ්ලේෂකයන් විසින් ද පෙන්වා දි තිබිණි.
එමෙන්ම එල්ටීටී සංවිධානයෙන් අත් අඩංගුවට ගන්න ලද රත්තරන් ටොන් 350ක් ජපානයට විකිණීම සඳහා රාජපක්ෂවරු මැදිහත් කර ගන්නා ලද සමාගම ද ස්විස්ටර්ලන්තයේ සමාගමක් විය. එම ගනුදෙනුව රුපියල කෝටි හතලිස් ලක්ෂයක් විය. ඒ මුදල් මෙරට බැංකුවක තැන්පත් කර නොමැත.
මෙරට පිරිස්‌ සතුව ඩොලර් මිලියන 89 ක මුදලක්‌ ස්විස් බැංකුවල ඇති බව 'ස්විස් මධ්‍යම බැංකුව' විසින් හෙළි කර තිබිණි.
