පසුගියදා දෙරණ රූපවාහිනියේ වාදපිටිය වැඩසටහනේදී මහ ඇමති දයාසිරි ජයසේකර හා පාර්ලිමේන්තු මන්ත්රී හරීන් ප‍්‍රනාන්දු මහතා අතර වූ ගැටුම්කාරී තත්වය ගැන අදහස් දක්වමින් ඇමතිවරයා එසේ ප්‍රකාශ කලේ, දං ඕවිට, වඩුවත්ත පුරාණ ප‍්‍රදේශයේ පැවති උත්සව අවස්ථාවට සහභාගි වෙමිනි.
ඇමතිවරයා වැඩිදුරටත් මෙසේ ද පැවසීය.
''ප‍්‍රසිද්ධ රූපවාහිනී නාළිකාවක පසුගිය දවසක අපේ දේශපාලනඥයෝ දෙන්නෙක් බොක්ෂිං ශූර මයික් ටයිසන් වගේ සපා ගත්තා. පෙර භවයක සත්ත්ව ලෝකයේ ඉඳල මොකක්දෝ පිනකට මේ ආත්මයේ මනුෂ්‍ය ආත්මයක් ලබලා පෙර ආත්මයේ සුපුරුදු ක‍්‍රියාකාරකමක් කළා වගෙයි ඒ සිද්ධිය.
මේ මනුෂ්‍ය ලෝකයේ ඉන්නව සතර අපායෙ ඉඳලා, දුක් විඳලා දුක් විඳලා පොඩි පිනක් තිබිල මනුෂ්‍ය ආත්මයක් ලබල ආපු අය. ඒ අය මනුෂ්‍ය ලෝකයේ මනුෂ්‍යයන් වුවත් නරකාදියෙ පුරුද්ද තියෙනව. ලේ බේරි බේරි අමු මස් කනවා. මනුෂ්‍යයො වෙලත් මනුෂ්‍යයොම සපා කනවා.
පසු ගිය දවසක දේශපාලනඥයො දෙන්නෙක් ප‍්‍රසිද්ධ රූපවාහිනී නාළිකාවක විවාදයකට එක් වෙලා එකිනෙකා හපා ගෙන තියෙනවා. ඒ සතුන්ගෙ සිරිත්. මනුෂ්‍යයො වෙලත් තිරිසන් ලෝකයේ වැඩ කරනවා. සමාජයට සෑම විටම ආදර්ශයක් දිය යුතු අය එසේ හැසිරීම බරපතළ වරදක්. රටට සමාජයට අහිතකර ආදර්ශයක් දීම තමයි එතැනදි සිද්ධ වුණේ’
