ලෝක කුසලාන පාපන්දු තරගාවලියේ රූපවාහිනි විකාශන කටයුතු භාර අධ්‍යක්‍ෂ නිකලස් එරික්සන් ප‍්‍රකාශ කර ඇත්තේ එම තරගාවලිය සන්නිවේදන ඉතිහාසයේ වර්තා රැසක් බිඳ හෙලීමට සමත්ව ඇති බවයි.
ඊයේ පැවති ලෝක කුසලාන පාපන්දු අවසන් තරගය අතරතුර අන්තර්ජාලය ඔස්සේ අතිවිශාල පිරිසක් එය නැරඹිම හේතුවෙන් අන්තර්ජාල දත්ත හුවමාරු වේගය පවා සිඝ‍්‍රලෙස පහත වැටී තිබුණු බව විදෙස් වාර්තා අනාවරණ කරයි.
රූපවාහිනිය ඔස්සේ එම තරගය නැරඹු පිරිස ද නිසැකවම පැරණි වාර්තා බිඳ දමනු ඇති බව එහි වැඩිදුරටත් දැක්වේ.
හිමිකම් සහිත රූපවාහිනි ආයතන 40ක් සහ තවත් නාලිකා 120ක් ඔස්සේ මෙම තරගය ලොව පුරා විසුරුවා හරිනු ලැබිය.
ෆිෆා වෙබ් අඩවියට ඇතුලත් කළ දර්ශන මිලියන 10කට වඩා බාගත කළ අවස්ථා 20ක් වාර්තා වු බව විදෙස් වාර්තා වැඩිදුරටත් අනාවරණ කරයි.
(නෙත් එෆ්.එම් )
