කටුනායක ගුවන්තොටුපළේදී උන්වහන්සේ රාජ්‍ය ගෞරව සහිතව පිළිගනු ඇත. අනතුරුව කටුනායක සිට විවෘත රියකින් උන්වහන්සේ කොළඹට සැපත් වෙති.
අද (13 දා) සවස 4.00 ට උන්වහන්සේ මඩු මාතා දේවස්‌ථානයේදී විශේෂ දේවමෙහෙයක්‌ පවත්වනු ඇත.
මෙම දේව මෙහෙයට ලකෂ දෙකක පමණ බැතිමතුන් පිරිසක්‌ සහභාගිවීමට නියමිතය.
අනතුරුව පාප්වහන්සේ ජනවාරි 14 දා (හෙට) පෙරවරු 9.00 ට ගාලුමුවදොර පිටියේදී විශේෂ දේවමෙහෙයක්‌ පවත්වනු ඇත.
මෙම දේව මෙහෙයේදී ශුද්ධ වූ ජුසේවාස්‌ මුනිවරයාද ශුද්ධත්වයට පත්වනු ඇත. මෙම අවස්‌ථාවට ඉන්දියාවේ සිට 1200 ක බැතිමත්හු පිරිසක්‌ද සහභාගි වෙති.
පාප් වහන්සේගේ ශ්‍රී ලංකා සංචාරය නිමිත්තෙන් විශේෂ මුද්දර දෙකක්‌ සහ රුපියල් 500 සමරු කාසියක්‌ නිකුත් කිරීමට ද කටයුතු යොදා ඇත.
එම සමරු මුද්දර 13 වැනිදා අරලියගහ මැදුරේදී පාප් වහන්සේට පිරිනැමේ.
ශ්‍රී ලංකාවට පැමිණෙන තෙවැනි පාප්වහන්සේ ප්‍රැන්සිස්‌ පාප් වහන්සේයි.
උන්වහන්සේ කටුනායක සිට කොළඹට පැමිණෙන මග දෙපස පොලිසිය හා විශේෂ කාර්ය බලකාය අවි රහිතව යොදවා ඇත.
මේ අතර පාප්වහන්සේගේ දේවමෙහෙයට සහභාගිවීම සඳහා 13 දා සවස 5.00 සිට කොළඹ ගාලුමුවදොර පිටියට පැමිණිය හැක.
