මෙම කැබිනට් මණ්ඩලය තිස් දෙනෙකුගෙන් සමන්විත බව වාර්තා වෙයි.
ජනාධිපතිවරයාගේ ප්‍රතිපත්ති ප්‍රකාශනයට අනුව මෙලෙස තිස් දෙනෙකුගෙන් සමන්විත කැබිනට් මණ්ඩලයක් පත්වනු ඇති බව වාර්තා වෙයි.
කැබිනට් මණ්ඩලය සඳහා ජනතා විමුක්ති පෙරමුණට ද ආරාධනා කර ඇති බව පසුගියදා පැවති මාධ්‍ය හමුවකදී පූජ්‍ය අතුරලියේ රතන හිමියන් සඳහන් කළේය.
ජවිපෙ ලේකම් ටිල්වින් සිල්වා මහතා පවසන්නේ ඇමති මණ්ඩලයට ඇතුළත් වීමට වඩා නව ආණ්ඩුවේ දින සියයේ වැඩසටහන නිසි ලෙස ඉටුකර ගැනීමට මැදිහත් වීමක් සිදුකරන බවයි.
දෙමළ ජාතික සන්ධානය ජනපති මෛති‍්‍රපාල සිරිසේන මහතාගේ නව රජය යටතේ අමාත්‍යධූර බාර ගැනීම සම්බන්ධයෙන් මෙතෙක් නිශ්චිත තීරණයක් ගෙන නොමැති බැව් එහි නායක ආර්.සම්බන්ධන් මහතා පවසයි.
අද (12) ප.ව. 6.00ට රජයේ නව කැබිනට් මණ්ඩලය දිවුරුම් දීමට නියමිත බවද පැවසේ.
