බත්තරමුල්ල පැලවත්තේ පිහිටි ජ.වි.පෙ. ප්‍රධාන කාර්යාලයේ පැවැති ප්‍රවෘත්ති සාකච්ඡාවකදී දිසානායක මහතා මෙසේ ද කීය.
මෙය මැතිවරණ සිතියමට අනුව ගෙන ආ ජනාධිපතිවරණයක්‌ නොවේ. ආණ්‌ඩුක්‍රම ව්‍යවස්‌ථාවට පටහැනිව නීති රෙගුලාසි උල්ලංඝනය කරමින් ජනාධිපති රාජපක්‍ෂ මහත්තයා ඊළඟ බලයුගය අරඹන්න ගෙන ආ ජනාධිපතිවරණයක්‌. එය රටේ ප්‍රජාතන්ත්‍රවාදයට සහ යහපැවැත්මට හිතකර වුණේ නෑ. ඒකාධිපති වියරුවක්‌ කරා යන ගමනේ දොරටුව විවර කර ගන්නයි, වසර දෙකකට කලින් මේ ජනාධිපතිවරණය ගෙන ආවේ.
ජනතා විමුක්ති පෙරමුණ මේ දුෂ්ට ෙච්තනාව හොඳින්, ගැඹුරින් වටහා ගත්තා. ඒ නිසා තමයි ඒකාධිපති පවුල් පාලනය ගෙදර යවන්න, රටේ ප්‍රජාතන්ත්‍රවාදය ස්‌ථාපිත කරන්න මේ මැතිවරණයේදී අපි කටයුතු කළේ. ඒ උදෙසා දැවැන්ත මැතිවරණ ව්‍යාපාරයක්‌ ශක්‌තිමත් ලෙස අප ගෙන ගියා. මැතිවරණය දිනයේ විවිධ කටකතා ප්‍රචාරය වුණා. ඒත් ආණ්‌ඩුවේ ඒ උත්සාහයන් පරාජය කරමින් ඡන්ද මධ්‍යස්‌ථානයේ ආරක්‍ෂාවත්, ඡන්ද ගණන් කර නිකුත් කරන තුරු ආරක්‍ෂාව සඳහා අපේ පාර්ශ්වයෙන් දායකත්වය ලබාදීමටත් අප මැදිහත්වීම් කළා. එහි ප්‍රතිඵලය දැන් ලැබී තිබෙනවා. ඒකාධිපති පවුල් පාලනයට යන ගමන අද අසාර්ථක වී තිබෙනවා.
ශ්‍රී ලංකා ඉතිහාසයේ වැඩිපුරම සල්ලි පොම්ප කළ මැතිවරණය මෙයයි. තවදුරටත් මුදලට ජනතා මතය ලබාගන්න බැරි බව මේ මැතිවරණයෙන් පෙන්නුම් කළා. අසත්‍ය අවලාද වැඩිම මැතිවරණය මෙයයි. ඒ සියල්ල ජනතාව විසින් ප්‍රතික්‍ෂේප කළා. ජනතාව සත්‍ය තේරුම් ගත්තා. තවත් අපේක්‍ෂකයකුට සමාන රුව තිබෙන ඩුප්ලිකේට්‌ අපේක්‍ෂකයෙක්‌ යොදාගනිමින් ඔහු වෙනුවෙන් ආණ්‌ඩුව විශාල මුදලක්‌ වැය කළා. සැබෑ අපේක්‍ෂකයාගේ ඡන්ද කැඩීමට ඒ ආකාරයට කටයුතු කළා. සදාචාර විරොධී පහත් තැනකට මේ මැතිවරණ ව්‍යාපාරය රාජපක්‍ෂවරුන් විසින් ගෙන ගියා.
මැතිවරණ ඉතිහාසයේ ප්‍රථම වරට කුඩා දරුවන් යොදාගනිමින් මැතිවරණ ප්‍රචාරක කටයුතු ගෙන ගියා. ඡන්ද අයිතිය තියෙන්නේ වයස අවුරුදු දහඅටට ඉහළින්. වඩාත් වැඩියෙන් අවිද්‍යාව යොදාගත් මැතිවරණයයි මේ. ඡන්දයට දින ප්‍රකාශ කිරීම, නාමයෝජනා අත්සන් කිරීම, නාමයෝජනා භාරදීම, ඡන්දය දැමීමට පිටත්වීම, එය නිමාකිරීම. මේ හැම දෙයක්‌ම අවිද්‍යාවට ගොදුරු කළ අපේක්‍ෂකයෙක්‌ බවට මේ අය පත්වුණා. ජනතාව අසත්‍යයකට යට නොවී සියයට 81.5 ක්‌ වැනි ඉතිහාසගත ඡන්ද ප්‍රකාශ කිරීමේ ප්‍රතිශතයක්‌ ලබාදුන්නා.
දැඩි විධායකය අහෝසි කිරීම සඳහා ජනතාව පෙළගස්‌වන්න, දහඅටවැනි සංශෝධනය අහෝසි කර ස්‌වාධීන කොමිෂන් සභා යළි ස්‌ථාපිත කිරීම, තොරතුරු දැනගැනීමේ අයිතිය ශක්‌තිමත් කිරීම, හොරකම නාස්‌තිය, දූෂණය කළ අය හෙළිදරව් කිරීම, මෙන්ම ඔවුන්ට දඬුවම් ලබාදීමට බල කිරීම සඳහා වන මැදිහත්වීම සිදුකරමින් අරගලය සඳහා පෙළගැස්‌ම කිරීමට ජනතා විමුක්ති පෙරමුණ කටයුතු කරනවා.
ජවිපෙ ප්‍රධාන ලේකම් ටිල්වින් සිල්වා මහතා - අපි බාහිර බලවේග, ජ්‍යෙdතිෂය විශ්වාස කරන්නේ නෑ. අතීතයෙත් නැකතට වැඩ කළා. නමුත් මෙය සමාජයේ ප්‍රධානතම කාර්යයක්‌ බවට පත් කළේ රාජපක්‍ෂ පාලනය විසින්. නැකත්කරුවකු ළඟ තබාගෙන ඡන්ද දිනය පවා ඔහු ලවා තීරණය කරවා ගැනීමට රාජපක්‍ෂවරු පෙළඹුණා. මෙවැනි ජ්‍යෙdතිෂකරුවන් සමඟම ඒ අය පරාජය වීම විද්‍යාවේත් ජයග්‍රහණයක්‌. ජනතාව නැකත් විශ්වාස කළාට කමක්‌ නෑ. නමුත් මිත්‍යාවේම එල්බගෙය සිටියොත් සත්‍යය යටපත් වෙනවා.
ජවිපෙ ප්‍රචාරක ලේකම් විජිත හේරත් මහතා ද මෙම අවස්‌ථාවට සහභාගි විය.
