අද දැව සංස්ථාවේ ප්‍රධාන කාර්යාලයේදී එහි සියලුම සේවකයන් කැඳවා මහින්ද රාජපක්ෂ මහතාට සිය ඡන්දය ලබා දෙන ලෙස සිරිපාල අමරසිංහ මහතා විසින් පවසා ඇත.
එම සාකච්ඡාවට ජාතික සේවක සංගමයේ සභාපති පව්මි නැමැත්තාද සහභාගී වී ඇති අතර සාකච්ඡාවෙන් පසු සිරිපාල අමරසිංහ මහතා ඔහුට තර්ජනය කරමින් පවසා ඇත්තේ "තෝ දැනගනින් මම කවුද කියාලා, මට මිනිස්සු මරණ එක වැඩක් නෙවෙයි. පිස්ටල්එකෙන් තොට තියන්න කලින් බැහැල පළයන්" යනුවෙනි. මෙම තර්ජනය සිදු කරන අවස්ථාවේ සිරිපාල අමරසිංහ සමග ඔහුගේ රියදුරුද පැමිණ තිබේ.
අරලියගහ මැදුරේ ඇති ජනාධිපතිවරණ මෙහෙයුම් කමි‍ටුව භාර ව සිටින නිළධාරියාද මොහුය.
මේ සම්බන්ධයෙන් තලංගම පොලීසියේ CIB ii26/84 අංකය යටතේ පැමිණිල්ලක්ද ගොනු කර තිබේ.
