අතවරයට ලක්ව ඇත්තේ ආණමඩුව - මුදලක්කුලිය ප්රදේශයේ පදිංචිව සිටින වයස අවුරුදු 15 ක් වූ පාසල් දැරියකි.
බාල වයස්කාර ගැබිණියක් ගබ්සාවක් කිරීමට සුදානම් වන බවට ජාතික ළමා ආරක්ෂණ අධිකාරිය ලද තොරතුරක් සම්බන්ධයෙන් පරීක්ෂණ කටයුතු කිරීමට ආණමඩුව පොලීසියට දැනුම් දීමෙන් පසුව සිදුකළ පරීක්ෂණයකින් පසුව මේ තොරතුරු හෙළිව තිබේ.
පොලිස් බාරට ගෙන ඇති දැරිය ආණමඩුව දිසා වෛද්යවරයා වෙත යොමු කිරීමෙන් පසුව අනාවරණය වී ඇත්තේ ඇය මාස 1 ½ ක ගැබිණියක බවයි.
ඉන් අනතුරුව තමන්ට සිදුවූ අතවරය සම්බන්ධයෙන් දැරිවිය තොරතුරු හෙළි කර ඇත.
ආණමඩුව - හලාවත මාර්ගයේ කාපට් ඇතිරීම සඳහා පැමිණ සිටි තරුණයෙකු තම නිවසින් ආහාර ලබා ගත් බවත්, එහිදී ඇතිවූ ප්රේම සම්බන්ධතාවයක් අනුව සැකකරු තමා සමග අඹු - සැමි ඇසුරක් පැවැත්වූ බවද දැරිය පොලීසිය හමුවේ පවසා ඇත.
සැකකාර තම පෙම්වතා පොළොන්නරුව ප්රදේශයේ පදිංචිකරුවෙකු බව පමණක් තමන් දන්නා බවද දැරිය වැඩිදුරටත් සඳහන් කර ඇත.
සැකකාර පෙම්වතා මේ වන විට තම සියළුම රාජකාරි කටයුතු අවසන් කර ආණමඩුව ප්රදේශයෙන් පිටව ගොස් ඇති බව පොලීසිය පැවසීය.
බාල වයස්කාර දැරියක සමග ප්රේම සම්බන්ධතාවයක් පවත්වා ඇය ගැබිණියක් බවට පත් කර පලා ගොස් ඇති බව කියන තරුණයෙකු අත්අඩංගුවට ගැනීමට ආණමඩුව පොලිසිය පරීක්ෂණ පවත්වයි.
Leave a comment