මහින්ද රාජපක්ෂ 2005 වසරේ ජනාධිපති සටන ආරම්බ කළේ ජයශ්‍රී මහ බෝධිය වන්දනා කිරීමෙනි. අද සිය පාලන සමය අවසන් කරන්නටත් ඔහු ජයශ්‍රී මහ බෝධිය වන්දනා කිරීමත් දෛවෝපගත සිදුවීමකි.
මෙහිදී අටමස්ථානාධිපති පූජ්‍ය පල්ලෙගම සිරිනිවාස හිමිපාණන් වහන්සේ ප්‍රමුඛ මහා සංඝරත්නය ජය පිරිත් දේශනා කර ජනාධිපතිවරයා වෙත ආශිර්වාද පළ කළ බව ජනාධිපති මාධ්‍ය අංශය සඳහන් කළේය.
මෙම අවස්ථාවට වැඩම කර සිටි මිරිසවැටිය විහාරාධිපති පූජ්‍ය ඊතලවැටුනුවැවේ ඥාණතිලක ,ලංකාරාම විහාරාධිපති පූජ්‍ය රැළපානාවේ ධම්මජෝති යන නායක ස්වාමීන් වහන්සේලා සමඟ ද ජනාධිපතිවරයා කෙටි පිළිසඳරක නිරත වී තිබේ.
මෙහිදී ඓතිහාසික ජය ශ්‍රී මහා බෝධින් වහන්සේ වැඳ පුදා ගැනීමට පැමිණි සිටි සැදැහැවතුන් සමග ද ජනාධිපතිවරයා කෙටි පිළිසඳරක නිරත වී ඇත.
