එහි ජනාධිපතිවරයාගේ රුව හා ඔහු මැතිවරණ ප්‍රචාරක කටයුතු වෙනුවෙන් සලකුණක් ලෙස යොදා ගන්න නෙළුම් මල ද මුද්‍රණය කරන ලද මෙම ගමන් මළු පනස් දහසක් පමණ රටපුරා බෙද හැරීමට කටයුතු කරමින් තිබේ.
මෙම ගමන් මළු චීනයෙන් ආනයනය කරන ලද බවත් එම මුලාශ්‍ර සඳහන් කරයි.
මහින්ද රාජපක්ෂ විසින් තමන්ගේ ජනාධිපතිවරණ ප්‍රචාරක කටයුතු සඳහා කුඩා දරුවන් යොදා ගැනීම ඉතා නිර්ලජ්ජිත කටයුත්තක් බවට මේ වන විට බරපතල ලෙස විවේචනයට ලක්ව තිබේ. කුඩා දරුවන් යොදාගෙන විශාල දැන්වීම් ප්‍රමාණයක්ද ඔහු ප්‍රචාරණ කටයුතු සඳහා යොදා ගනිමින් සිටී.
මේ අතර ජනාධිපතිවරණ ප්‍රචාරක කටයුතු වෙනුවෙන් කුඩා දරුවන් යොදා නොගන්න ලෙස සියළු අපේක්ෂකයන්ගෙන් ඉල්ලා සිටීමින් සමාජයේ උගත් බුද්ධිමත් පුරවැසියන් විසින් මේ වන විට ප්‍රබල මතයක් ගොඩනඟමින් සිටී. මේ සම්බන්ධයෙන් මැතිවරණ කොමසාරිස්වරයාවද දැනුවත් කිරීමට නීතිඥ කණ්ඩායමක් කටයුතු කර තිබිණි.
