මේ සම්පූරණ වියදම ලේක්හවුස් ආය්තනය මඟුන් දරන අතර මෙහි කලාප ලක්ෂ විස්සක් පමණ මුදණය කර නොමිළේ බෙද හැරීමටද කටයුතු සූදානම් කර ඇතැයි ලේක් හවුස් ආයතනේ ආරංචි මාර්ග සඳහන් කරයි. එමෙන්ම මැතිවරණ ප්‍රචාරක කටයුතු වෙනුවෙන් ලේක්හවුස් ආයතනය විසින් ගෙන්වන ලද කඩදාසි තොගයේ වටිනාකම මිලියන 40 වන බවද පැවැසේ.
කෙසේ නමුත් මෙම ව්‍යාජ කරුණු වලින් ගහන සෙත්මිණ පුවත්පත මුද්‍රණය කිරීමේ අදහස ලෙක්හවුස් සභාපති බන්දුල පද්මකුමාරගේ කැමැත්ත පරිදි සිදුවන්නක් වන අතර එම සමාගමේ අධ්‍යක්ෂ මණ්ඩලයේ විරෝධයද මෙයට එල්ල වී ඇත.
මෙම පුවත්පත සම්බන්ධයෙන් අද දින මැතිවරණ කොමසාරිස්වරයාට පැමිණිළි කිරීමට එක්සත් ජාතික පක්ෂට කටයුතු කළේය.
එම පැමිණිල්ල
මහින්ද දේශප‍්‍රිය මහතා
මැතිවරණ කොමසාරිස්
මැතිවරණ මහලේකම් කාර්යාලය,
සරණ මාවත,
රාජගිරිය.
කොමසාරිස්තුමනි,
මහින්ද රාජපක්ෂ අපේක්‍ෂක වෙනුවෙන් ලේක් හවුස් විශේෂ පුවත්පතක්
රජයේ එක්සත් ප‍්‍රවෘත්ති පත‍්‍ර සමාගම මගින් ප‍්‍රකාශයට පත්කරනු ලබන ජ්‍යෙතිෂ්‍ය පුවත්පතක් වන ”සෙත්මිණ” පුවත්පතේ 2014 දෙසැම්බර් 30 වැනි දින මුද්‍රණයට නියමිත කළාපය, විශේෂ මැතිවරණ ප‍්‍රකාශණයක් ලෙස නිකුත් කිරීමට නියමිත බව වාර්තා වේ.
එමගින් මහින්ද රාජපක්ෂ මහතා ජයග‍්‍රහණය කරනු ලබන බවත් රනිල් වික්රමසිංහ මහතාට කිසිදු ආකරයකින් අගමැති තනතුර ලබා ගැනීමට නොහැකි බවත් අවධාරණය කර ඇති අතර එය මහින්ද රාජපක්ෂ මහතාට හිතවත් ජ්‍යෙතීෂ්‍යවේදීන්ගේ විශේෂ ප‍්‍රකාශවලින් යුක්ත වේ.
රජයේ ප‍්‍රකාශණයක් වන ‘සෙත්මිණ’ පුවත්පතේ මෙම විශේෂ කලාපය නිකුත්වීම තුළින් 2015 ජනාධිපතිවරණයේ අනෙකුත් අපේක්‍ෂකයන්ට බරපතළ අසාධාරණයක් සිදුවන බැවින් එම පුවත්පත මුද්‍රණය කිරීම හා බෙදාහැරීම වහාම නතර කිරීමට පියවර ගන්නා ලෙස කාරුණිකව ඉල්ලා සිටිමු.
ස්තූතියි.
තුසිත හල්ලොලූව
සම්බන්ධීකාරක
