එම ප්‍රහාරයත් සමග සිරිකොතින් ද පෙරළා ප්‍රහාරයක් එල්ල වී ඇති බවද පවසන පොලිස් මාධ්‍ය ඒකකය මෙකී සිද්ධියත් සමග සිරිකොත ඉදිරිපිට මාර්ගයේ වාහන ගමනා ගමනයට බාධා එල්ල වී ඇති බවද කියයි.
මෙම ප්‍රහාරය කලින් සැලසුම් කළ ප්‍රහාරයක් බව පැහැදිලි ව පෙනෙන්නට තිබු බවද එහි සිටින අපගේ වාර්තකරුව පැවැසීය. සාමකාමී උද්ඝෝෂණයක් වෙනුවට ඉතා ප්‍රචණ්ඩකාරී ලෙස එම ජාතික සංවිධාන එකමුතුව මැයෙන් පැමිණි පිරිස කටයුතු කළ බව පොලීසිය දු‍ටු බවත් එහෙත් එම අවස්ථාවේ පොලිසිය එම පිරිස පාලනය කිරීමට අපොහොසත් වූ බවත් අප වාර්තකරුවා පවසයි.
මේ අතර පිටකෝට්ටේ සිට ඇතුළු කෝටේ දක්වා වාහන ධාවනයට බාධා එල්ල වී ඇති අතර විකල්ප මාර්ග භාවිතා කරන ලෙස ද පොලීසිය රියදුරන්ගෙන් ඉල්ලීමක් කරයි.
ගැටුමේදී දෙපාර්ශවයේ 30 දෙනෙකුට පමණ තුවාල සිදුව ඇති බවද දැනගන්නට තිබේ.
මේවන විට එම ස්ථානයේ ඇති වූ තත්ත්වය පාලනය කිරීම සඳහා පොලිස් කැරලි මර්දන කණ්ඩායම් එම ස්ථානයට කැඳවා ඇත.
පොදු අපේක්ෂක මෛත්‍රිපාල සිරිසේන මහතාගේ හා විපක්ෂනායක රනිල් වික්‍රමසිංහ මහතාගේ ප්‍රධානත්වයෙන් එකී රැස්වීම සංවිධානය කර තිබේ.
