මේ අනුව අනුරාධපුරය, කුරුණෑගල, පොළොන්නරුව සහ මොණරාගල යන දිස්ත‍්‍රික්ක වලත්, බදුල්ල දිස්ත‍්‍රික්කයේ මහියංගනය, රිදීමාලියැද්ද සහ කන්දෙකැටිය යන ප‍්‍රාදේශීය ලේකම් කොට්ඨාශ තුළ ද මෙම කෘෂි රසායන තහනම කි‍්‍රයාත්මක වේ. මෙම තහනමට අනුව අදාල ප‍්‍රදේශවල මෙම කෘෂි රසායන අඩංගු පළිබෝධ නාශක භාවිතය, විකිණීම තහනම් බව අදාල ගැසට් නිවේදනය තුළින් දන්වා අැත.
තමා වෙත පැවරී ඇති බලතල ප‍්‍රකාරව මහජන හිතසුව පිණිස සහ පළිබෝධ නාශක තාක්ෂණික හා උපදේශක කමිටුවේ අනුමැතිය මත මෙම තහනම නිකුත් කරන බව ඒ සම්බන්ධයෙන් වූ ගැසට් නිවේදනයේ සඳහන් වේ.
රටපුරා වකුගඩු රෝගය පැතිරීම සම්බන්ධයෙන් චෝදනාව එල්ල වූයේ කෘෂි රසායන බාවිතයටය. එම හේතුවෙන් මෙම විස රසායනයන් තහනම් කළයුතු බවට ප්‍රබල මතයක් රට තුළින් මතු වූවද ඒ පාලකයන් විසින් නොසලකා හැරිණි.
