පසුගියදා “වීදියේ විරෝධය“ නමින් වත්මන් පාලනය වෙත සිය විරෝධය දැක්වීමේ අරමුණින් අනුරාධපුරයේ සංවිධානය කල වීදි නාට්‍ය ප්‍රසංගයට එප්පාවලදී පිරිසක් පරුෂ වචනයෙන් බැන පහර දුන් අතර එහිදී ජයතිලක බණ්ඩාර මහතාට අදාල පිරිස බිම වැටෙන්නට පහර දී තිබිණි. එසේම එය වීඩියෝ කල මාධ්‍යවේදියාටද තර්ජනය කල ප්‍රකාශ කර තිබුණේ රටේ රජ්ජුරුවන්ට එරෙහිව යනවාට පහර දෙන බවයි.
“අපි ජේ.ආර්, ප්‍රේමදාස කාලේ පවා ප්‍රසංග කලා ඒ කාලේවත් කවදාවත් අපිට පහර දුන්නේ නෑ. මොකද ඔවුන් පවා විශ්වාස කලා අපි සාමය උදෙසා කලාකරුවෝ කියලා. ඔවුන් අපිට ගරු කලා. වත්මන් රාජපක්ෂ පාලනයේ හෙන්චයියන්ට එහෙම එකක්වත් නෑ. අපි මරලා දාවි, අපිව විනාශ කරාවි, ඒත් අපි පරාජය කරන්න බෑ“ අදහස් දැක්වූ ජයතිලක බණ්ඩාරයන් ප්‍රකාශ කලහ.
