මෙහිදී ඔහු ඡායාරූපයක් පෙන්වමින් පවසා සිටියේ එයින් දැක්වෙන්නේ පුද්ගලයින් පිරිසක් වැවකින් ෆයිල් රැසක් ගොඩගන්නා ආකාරය බවයි. මෙහි පසු බිම් විස්තරය ඔහු මෙසේ පැහැදිලි කළේය.''යුක්‍රේනයේ රජෙක් හිටියා වික්ටර් යං කොවිච් යනුවෙන්. ඔහු ඔහුටම මහ රජා යනුවෙන් කියාගත්තා.ඔහුට ජනාධිපති මන්දිරයෙන් පළා යාමට සිදුවූවා. ඔහු ළග ෆයිල් සේප්පුවක් තිබුණා. හදිසියේ පළා යාමට සිදුවූ නිසා ඔහු මේ ෆයිල් වැවට විසි කර පැන ගියා. මින්සුන් වැවට පැන ෆයිල් ගත්තා. අවසානයේ ඔහුගේ වංචා දූෂණ සියල්ල හෙළිදරව් කර ගත්තා. ඔහු ඇ.ඩො.බි 7ක් ෂීසෙල්ස්ව සගවා ඇති බව අනාවරණය වූවා.''

අපේ රට තුළ සිදුවන වංචා දූෂණ වලින් සිදු වන්නේ ද මෙම තත්වය බවත් විදෙස් රහස් ගිණුම් වල සගවන මුදල් පසුකාලීනව යළිත් ණය ලෙස ලංකාවටම ලැබෙන බවත් ඔහු සදහන් කළේය.වතමන් ආණ්ඩුව යටතේ ආශ්චර්ය යනු දූෂණය බවත් අපායක් බවට පත්වී ඇති මේ රට මිනිසුන්ට ජීවත්විය හැකි ස්ථානයක් බවට පත්කළ යුතු බවත් ඔහු පෙන්වා දූන්නේය. මෙරටේ පැවති ආර්ථීක නිදහස රාජපක්ෂ ‍රෙජිමය විසින් පැහැරගත් බවත් එම නිදහස නව ආණ්ඩුවක් යටතේ ලබා දෙන බවත් හර්ෂණ සිල්වා ප්‍රකාශ කර සිටියේය.
මෙම අවස්ථාවට පාර්ලිමේන්තු මන්ත්‍රී එරාන් වික්‍රමරත්න මහතා ද සහභාගීවිය.

{soundcloud}https://soundcloud.com/lankadaily/harsha-eran{/soundcloud}