එංගලන්තය සමග අද දිනයේ ආර් ප්‍රේමදාස පිටියේ පැවැත්වෙන මෙම එක් දින තරගය සුපිරි පිතිකරු කුමාර් සංගක්කාරද ශ්‍රී ලංකාවේ දී සහභාගී වන අවසන් එක් දින තරගය වේ.

ලෝක කුසලානයෙන් පසු එක් දින පිටියෙන් සමු ගන්නා බවට පසුගිය දා නිවේදනය කල කුමාර් සංගක්කාර ලබන වසර මැද ශ්‍රී ලංකාවේදී පැවැත්වෙන ඉන්දීය පිලේ ටෙස්ට් සංචාරය අවසානයේදී ටෙස්ට් පිටියෙන් සමු ගැනීමට සුදානම් බවට  වාර්තා වේ.


අද  තමන්ට හා කුමාර් සංගක්කාරට ඉතා හැඟුම්බර දිනයක් වනු ඇති බවත්,  අද  තරගය ඉතා සතුටින් අවසන් කිරීමට බලාපොරොත්තු වන බවත් ඊයේ ආර්.ප්‍රේමදාස පිටියේදී ශ්‍රී ලංකාවේ තමන් සහභාගි වන අවසන් පුහුණු සැසියට සහභාගි වෙමින්  මහේල ජයවර්ධන බිබිසියට පවසා තිබිණ.