එහෙත් ඊට ප්‍රතිචාර දක්වමින් හරීන් ප්‍රනාන්දු මන්ත්‍රීවරයා තම ෆේස් ගිණුමේ සඳහන් කර ඇත්තේ එය විහිළුවක් බවයි.
ඊයේ දින තමන් මහනුවර පැවැති විපක්ෂයේ පොදු අපේක්ෂක මෛත්‍රීපාල සිරිසේන මහතාගේ රැළියට සහභාගි වූ බවද ඔහු එහි දක්වා ඇත.
කෙසේ වෙතත් මේ වනවිට ආණ්ඩුවේ සහ අනෙකුත් රාජපක්ෂ ගැති මාධ්‍ය හරහා විපක්ෂයේ දේශපාලඥයින් සම්බන්ධයෙන් විවිධ මඩ ප්‍රචාර ප්‍රවෘත්ති පළ කිරීමට කටයුතු කරමින් සිටී.
එහෙත් මේ වනවිට අපට දැනගැනීමට ලැබෙන පරිදි රාජපක්ෂවරුන් තම ආණ්ඩුවේම ඇමැතිවරුන් හමුවී ඔවුන් විපක්ෂයට එක්වීම වළක්වා ගැනීමේ දෑවැන්ත මෙහෙයුමක යෙදෙමින් සිටී.
ඊයේ තැපැල් සේවා අමාත්‍ය ජීවන් කුමාරතුංග මහතාද හමුවී සාකච්ඡා කොට ඇත.
මහනුවර පැවැති පොදු අපේක්ෂක මෛත්‍රීපාල සිරිසේන මහතාගේ රැලියට එක්වන බවට ජීවන් කුමාරතුංග මහතා සම්බන්ධයෙන් ඊයේ දිනය පුරා විවිධ ආරංචි පැතිර ගියේය.
