ලබන 9 දා සාමාන්‍යපෙළ විභාග කටයුතු ආරම්භ වන අතර දෙසැම්බර් දහ අටවනදා තෙක් විභාගය පැවැත්වීමට නියමිතය. එම කාලසීමාව තුල මුද්‍රිත මාධ්‍යයෙන් හෝ වෙනත් මාධ්‍ය භාවිතා කරමින් අනුමාන ප‍්‍රශ්ණ පත්ර සාකච්ඡා කිරීමටද මේ යටතේ හැකියාව නොලැබේ.
එම නියමයන් උල්ලංගනය කරමින් කටයුතු කරන පුද්ගලයින් හෝ ආයතන වෙතොත් ඔවුන්ට එරෙහිව පියවර ගන්නා බවද විභාග කොමසාරිස්වරයා නිකුත් කල නිවේදනයේ සදහන්ය.
මෙම නියමයන් කඩකරන පුද්ගලයින් සම්බන්ධයෙන් පැමිණිලි විභාග දෙපාර්තමේන්තුව වෙත හෝ පොලිසිය වෙත ලබාදෙන ලෙසද ඔහු ජනතාවගෙන් ඉල්ලීමක් කළේය.
1911 යන විභාග දෙපාර්තමේන්තුවේ හදිසි දුරකථන අංකය වෙත හෝ 2 784 208 සහ 2 784 537 යන දුරකථන අංක වෙත එම පැමිණිලි ලබා දිය හැකිය.
එසේ නැතිනම් ආසන්නතම පොලිස් ස්ථානයෙ වෙත හෝ 119 හදිසි දුරකථන අංකය වෙත එම පැමිණිලි ඉදිරිපත් කරන ලෙස විභාග කොමසාරිස්වරයා ඉල්ලීමක් කරයි.මෙවර සාමන්‍ය පෙල විභාගය සදහා සිසුන් පන් ලක්ෂ හැත්තෑ හත් දහස් අසූ හතර දෙනෙකු පෙනී සිටීමට නියමිතය.
