ජාතික සංඝ සම්මේලනයේ මහලේකම් පූජ්‍ය පාහියන්ගල ආනන්ද සාගර හිමියන් පවසන්නේ තම සංවිධානය මෙම සාකච්ඡාවේදී පොදු අපේක්ෂක වෙත කරුණු 15ක යෝජනාවලියක් ඉදිරිපත් කළ බවය. දළදා මාළිගාව ඇතුළු පූජනීය ස්ථාන ආශ‍්‍රිතව ඇති සුරාසැල් ඉවත් කිරීම, වස විසෙන් තොර ගොවිතැනක් සඳහා නිසි වැඩපිළිවෙලක් සකස් කිරීම සහ වකුගඩු රෝගය වැළැක්වීමට වැඩසටහනක් කි‍්‍රයාත්මක කිරීම එම යෝජනාවලට ඇතුළත්වේ.
එම යෝජනාවලට පොදු අපේක්ෂක මෛත‍්‍රීපාල සිරිසේන එකඟවීමත් සමඟ, ඉදිරි ජනාධිපතිවරණයේදී ඔහුට සහාය දැක්වීමට තීරණය කළ බව ජාතික සංඝ සම්මේලනයේ මහලේකම් පූජ්‍ය පාහියන්ගල ආනන්ද සාගර හිමියන් පැවසුවේය.
