එහි ජ්‍යෙෂ්ඨ උප සභාපති පාර්ලිමේන්තු මන්ත‍්‍රී රංජිත් මද්දුමබණ්ඩාර මහතා ප‍්‍රකාශ කලේ ජනතාව පිළිගන්නා සුභ ලාංඡනයක් මෙලෙස ප‍්‍රකාශයට පත් කරන බවයි.

කෙසේවුවද, පොදු අපේක්ෂක මෛත්‍රීපාල සිරිසේන මහතා ජනාධිපතිවරණයට ඉදිරිපත් වන ලාංඡනය ලෙස 'සුදු හංසයා' තෝරාගෙන තිබෙන බව වාර්තා වේ.

පසුගිය දින කිහිපයෙහි පැවති සාකච්ජා වට කිහිපයකින් අනතුරුව මෙම තීරණය ගෙන ඇතැයි පැවසේ.

අපේ ජාතික පෙරමුණේ 'දුරකතනය' හෝ නව ප්‍රජාතන්ත්‍රවාදී පක්ෂයේ 'හංසයා' හෝ ජාතික මහජන පක්ෂයේ 'බල්බය' යටතේ ඉදිරිපත් වන්නේ ද යන කාරණය සම්බන්ධයෙන් එම සාකච්ජා පැවත්වී ඇත. පරෙවියා සළකුණ යෝදා ගැනීම ගැනද පසුගියදා සාකච්ඡා වී තිබිණි.

2010 ජනාධිපතිවරණයට හිටපු යුධ හමුදාපති සරත් ෆොන්සේකා මහතා ඉදිරිපත් වුයේද 'හංසයා' ලකුණිනි.