මෙරට තුළ සුළු ජන කොටස් ඉලක්ක කර ගනිමින් පසුගිය වසර දෙක තුළ බොදුබල සේනා සංවිධානය කටයුතු කිරීම සම්බන්ධයෙන් පැමිණිලි 350 ක් ලැබී ඇති බවද ඇයගේ ලිඛිත වාර්තාවේ සඳහන්ය. මෙම බාධා කිරීම් මුස්ලිම් සහ කි‍්‍රස්තියානි ජන කොටස් ඉලක්ක කර ගනිමින් සිදුව ඇති බව ඇය පෙන්වා දුන්නාය.
රීටා ඉසැක් මෙම වාර්තාව මගින් ශ‍්‍රී ලංකාව, ඇෆ්ගනීස්ථානය, කොළොම්බියාව, කොංගෝ, ගෝතමාලාව, ඉරාකය, කිරිගිස්ථානය, මියන්මාරය, සෝමාලියාව සහ සුඩානය සම්බන්ධයෙන් කරුණු දක්වා අැත. මෙම රටවල සුළු ජන කොටස් සම්බන්ධ බාධා කිරීම් සීමා කළ යුතු බව එමගින් ජගත් සංවිධාන නියෝජිතවරිය අවධාරණය කළාය.
