අලුත්ගම සහ බේරුවල යන ප‍්‍රදේශවල ඉකුත්දා ඇති වු නොසන්සුන්තාවය සම්බන්ධයෙන් මෙම ප්‍රකාශය සටහන් කරගන්නා බව පොලිස් මාධ්‍ය ප්‍රකාශකවරයා කියා සිටියේය.
ජූනි මස 15 වැනිදා අලුත්ගම - බේරුවල ඇතිවූ ගැටුම්කාරී තත්ත්වයට තුඩු දුන් දර්ගා නගරයේ සංවිධානය කර තිබුණු රැළිය අමතමින් එ් මහතා ද කතාවක් පවත්වා තිබීම ඊට හේතුවයි.
බොදුබල සේනා, රාවණා බලය, සිහළ රාවය ඇතුළු සංවිධාන කිහිපයක් විසින් එම රැලිය සංවිධානය කර තිබුණු අතර ජාතික හෙළ උරුමය නියෝජනය කරමින් මධුමාධව අරවින්දද එම රැළියට සහභාගී වී තිබිණ.
බොදුබල සේනා සංවිධානයේ මහලේකම් පුජ්‍ය ගලගොඩඅත්තේ ඥානසාර හිමියන්ගෙන් සහ ජූනි මස 15 වැනිදා බේරුවල පැවැති රැළියේ සෙසු කථිකයන් කිහිපදෙනෙකුගෙන්ද අපරාධ පරීක්ෂණ දෙපාර්තමේන්තුව මීට පෙර ප‍්‍රකාශ ලබා ගෙන තිබිණ.
අපරාධ පරීක්ෂණ දෙපාර්තමේන්තුවේ නිලධාරීන් විසින් ගායන ශිල්පි මධුමාධව අරවින්දගෙන් ප්‍රකාශයක් සටහන් කරගනිමින් සිටින බව පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරී අජිත් රෝහණ මහතා පවසයි.
Leave a comment
