2013 වසරේ මාර්තු මාසයේ සිට මේ වසරේ සැප්තැම්බර් මාසය දක්වා කාලය තුළ මත්තල ජාත්‍යන්තර ගුවන්තොටුපල ලබා තිබෙන සමස්ත ආදායම රුපියල් මිලියන 143.79 ක් වුවත් ගුවන්තොටුපල සමස්ත වියදම රුපියල් මිලියන 2900 ක් බව වාර්තා වේ.

2013 වසරේ මාර්තු මාසයේ සිට එම වසරේ දෙසැම්බර් දක්වා ගුවන්තොටුපල සමස්ත ආදායම රුපියල් මිලියන 48.1 ක් වී තිබෙන අතර, එම කාලය තුළදී එහි වියදම රුපියල් මිලියන 1497.84 කි.

2014 ජනවාරි මාසයේ සිට සැප්තැම්බර් මාසය දක්වා සමස්ත ආදායම රුපියල් මිලියන 95.78 ක් වී තිබෙන අතර, එම කාලය තුළදී රුපියල් මිලියන 1403.65 ක් වියදම් වී ඇත.

2013 වසරේදී මත්තලට පැමිණි ගුවන් යානා ගණන 760 ක් වන අතර 2014 වසරේ ජනවාරි සිට සැප්තැම්බර් මාසය දක්වා එම ගණන 1028 කි.

එසේම මත්තල ගුවන්තොටුපල තුළ 2013 වසරේදී සේවකයන් 565ක් සේවය කර තිබෙන අතර, මේ වනවිට එම සංඛ්‍යාව 600 ක් බවට පත්ව අැත.