විධායක ජනාධිපති ක්‍රමය හරහා මේ රට දෙවතාවක්‌ භීෂණයට ලක්‌වූ බවත් ඒකාධිපති ජනපති බලතල අහෝසි කිරීමට ඒකමතික එකඟතාවක්‌ ඇති වී ඇති බවත් පැවසූහ.
මෙම ජනතා බලවේගයට පක්ෂ, විපක්ෂ සියලු බලවේග ඒකරාශීවනු ඇතැයි ද ශ්‍රී ලංකා නිදහස්‌ පක්ෂයේ මෙන්ම පක්ෂ ගණනාවකම පිරිස්‌ එකතු වනු ඇතැයි ද විශ්වාසය පළ කළහ.
ජන අරගලය මැදින් රටේ ව්‍යවස්‌ථාව වෙනස්‌ කරන රැළිය, ජාතික රැළියක්‌ වනු ඇතැයි ද ව්‍යවස්‌ථාව වෙනස්‌ කරන වීරයා එහිදී බිහිවෙයි කියන විශ්වාසය ඇතැයි ද රතන හිමියෝ පැවසූහ.
පක්ෂ පාට, ආගම්, ජාති, බේදවලින් තොරව සියලු බලවේගවලට මීට සහභාගි වන ලෙස දන්වා ඇතැයි ද එක්‌වන පිරිස එක්‌ නොවන පිරිස 12 වැනිදා ජනතාවට බලාගැනීමට හැකිවනු ඇතැයිද උන්වහන්සේ කියා සිටියහ.
තනි ඒකාධිපතියෙක්‌ හරහා සියල්ල තීරණය වීම වෙනුවට එය පරාජය කරන වීරයා මේ වේදිකාවේදී බිහිවනු ඇතැයි විශ්වාස කරන බවද උන්වහන්සේ තවදුරටත් කියා සිටියහ.
කොළඹ 07, ධර්මායතනයේ ඊයේ (09) පැවති ප්‍රවෘත්ති සාකච්ඡාවට එක්‌වෙමින් උන්වහන්සේ එම කාරනා පැවසූහ.
'සාධාරණ සමාජයක්‌ සඳහා වූ ජාතික ව්‍යාපාරයේ' සභාපති පූජ්‍ය මාදුළුවාවේ සෝභිත හිමියෝ ද මෙම අවස්ථාවේ අදහස් දැක්වුහ.
පිවිතුරු හෙටක්‌ උදෙසා ජාතික සභාවේ විධායක සභික බන්දුල චන්ද්‍රසේකර මහතාද මෙම මාධ්‍ය සාකච්ඡාවට එක්‌ව සිටියේය.
