තමිල්නාඩු ක‍්‍රිකට් සංගමය හරහා ඔවුන් මෙම ඉල්ලීම සිදු කිරීමට සුදානම් වන බව ද හින්දු පුවත්පත සඳහන් කළේය. දෙමළ තරුණ සහ ශිෂ්‍ය සම්මේලනය ඇතුළු කණ්ඩායම් 03ක් මෙලෙස ශ‍්‍රී ලංකා කි‍්‍රකට් කණ්ඩායමට විරෝධය පළ කර ඇත. ඔවුන් ඉල්ලීම් කර ඇත්තේ හයිද්‍රාබාද් හී රජිව් ගාන්ධි ක‍්‍රීඩාංගණයේ අද පැවැත්වෙන තුන්වැනි ක‍්‍රිකට් තරගය සහ ඉතිරි තරග දෙක නවතා දමන ලෙස ය.
ඉන්දීය ධීවරයින් පස් දෙනකුට ඉකුත් දා ශ‍්‍රී ලංකාවේ දී ලබාදුන් මරණ දඩුවමට එරෙහිව මෙම කණ්ඩායම් එම ඉල්ලීම සිදුකර ඇති බව ද හින්දු පුවත්පත වැඩිදුරටත් සඳහන් කරයි.
මෙම තත්වය හේතුවෙන් අද සවස පැවැත්වෙන ඉන්දු - ශ‍්‍රී ලංකා තුන්වැනි එක්දින ක‍්‍රිකට් තරගයට විශේෂ ආරක්‍ෂාවක්් යෙදවීමට එරට ආරක්ෂක අංශ පියවර ගෙන ඇත. ඒ අනුව තරගයේ ආරක්ෂාව සඳහා 1500ක පොලිස් බලඇණියක් යෙදවීමට නියමිතය.
තරගය නැරඹිමට රජිව් ගාන්ධි ක‍්‍රීඩාංගණයට පැමිණෙන පුද්ගලයින්ට ගමන්මලූ, ජංගම දුරකථන, දුම්වැටි, බැනර් සහ ජල බෝතල් ද රැුගෙන ඒම තහනම් කර ඇත.
ක‍්‍රිඩාංගණය අවට ආරක්‍ෂිත කැමරා 56ක් සවිකර ඇති බව ඉන්දීය මාධ්‍ය අනාවරණ කළේය.
