දෙපිරිස අතර ඊයේ රාත්‍රි සහ අද උදෑසන ගැටුම්කාරි තත්ත්වයක් හටගත් අතර එහිදී දෙදෙනෙකු තුවාල ලබා රෝහල් ගත කර ඇත.
මෙම තත්ත්වය පාලනය කිරීම සඳහා විශේෂ කාර්ය බලකාය හා පොලීසිය ද කැඳවා තිබේ.
මාතර, හම්බන්තොට හා තංගල්ල යන පිට ප්‍රදේශ වලින් ගෙන එන මාළු කරවල බවට පත්කර අඩු මිලට විකිණීම මෙම දෙපිරිස අතර ගැටුමට මුල බව පැවසෙයි.
මාළු වියළා කරවල ලෙස අඩුමිලට විකිණීම හේතුවෙන් සිය මත්ස්‍ය අස්වැන්න විකුණා ගැනීමට අසීරු වී ඇති බව ගැටුමට සම්බන්ධ එක් ධීවර කොට්ඨාසයක් චෝදනා කරයි.
මෙය කලක සිට පවතින ගැටුමකි.
