පොලිස් මාධ්‍ය ප‍්‍රකාශක ජ්‍යෙෂ්ඨ පොලිස් අධිකාරී අජිත් රෝහණ මහතා පැවසුවේ සැකකරු එල්.ටී.ටී.ඊ. ඩයස් පෝරාව සමග සබඳතා පවත්වා ඇත්ද යන්න සම්බන්ධයෙන් පරීක්ෂණ පවත්වන බවයි.
මෙම පුද්ගලයා මීට වසර එක හමාරකට පමණ පෙර ලංකාවෙන් පිටව ගොස් ඇති බවත්, ගෝපි, අප්පන්, සේවියර් වැනි අය ඔහු සමග සමීපව කටයුතු කල අයකු බවත්, එසේම මොහු පුනරුත්ථාපනය නොවූ එල්.ටී.ටී.ඊ. සාමාජිකයෙක් බවත් පොලිස් මාධ්‍ය ප‍්‍රකාශකවරයා පැවසිය.
'' ඔහු කටාර් රාජ්‍යයට ගොස් එහි දීර්ඝ කාලයක් වාසය කර නැවත සෙනසුරාදා දිනයේ ලංකාවට පැමිණියා. ගුවන් තොටුපොළේ තොරතුරු පද්ධතියට අපි මොහු සම්බන්ධයෙන් තොරතුරු ඇතුළත් කර තිබුණා. එහිදී මෙම පුද්ගලයා හඳුනාගැනීමට හැකියාව ලැබුණා. එම නිසා මෙම පුද්ගලයා අත්අඩංගුවට ගනු ලැබුවා. මේ වන විට ත‍්‍රස්ත විමර්ශන කොට්ඨාසය විසින් විමර්ශන කටයුතු සිදු කරනවා.'' යයි ද පොලිස් මාධ්‍ය ප‍්‍රකාශකවරයා වැඩිදුරටත් පැවසිය.
ගෝපි, අප්පන් සහ තේවියන් යන එල්.ටී.ටී.ඊ. නායකයන් සමග සමීපව සබඳතා පැවැත් වූ කි‍්‍රයාකාරීයකු එල්.ටී.ටී.ඊ. සාමාජිකයෙකු බවට සැකකෙරෙන වන සෝමසුන්දරම් වසන්ත කුමාර් නමැති පුද්ගලයා කටුනායක බණ්ඩාරනායක අන්තර්ජාතික ගුවන් තොටුපොළේදි අත්අඩංගුවට ගත් බව පොලිසිය පවසයි. එ් කටාර් රාජ්‍යයේ සිට යළි ශී‍්‍ර ලංකාවට පැමිණි අවස්ථාවේදීය.
Leave a comment
