කතෝලික සභාවට ගෝඨා ගෙන් බලපෑම් Featured

Published in පුවත්
Sunday, 02 November 2014 17:11

පසුගිය ඔක්තෝබර් 21 වැනිදා කොළඹ අගරදගුරු නිවසේදී රාජ්‍ය ආරක්ෂක හා නාගරික සංවර්ධන අමාත්‍යාංශයේ ලේකම් ගෝඨාභය රාජපක්ෂ මහතා කතෝලික රදගුරු මණ්ඩලයේ සාමාජිකයන් හදිසියේම හමුවී ඇති අතර එහිදී පාප්වහන්සේගේ ශ‍්‍රී ලංකා ගමන කෙසේ හෝ සිදුවිය යුතු බවත්, එසේ සිදුනොවුණහොත් එය ජනාධිපතිවරයාගේ නොසතුටට මෙන්ම හිත් කලකිරීමට හේතුවිය හැකි බැවින් එම ගමන සාර්ථක කරගැනීම සඳහා සහයෝගය දක්වන ලෙසට තදබල ඉල්ලීමක් කර තිබේ.

රාජ්‍ය ආරක්ෂක හා නාගරික සංවර්ධන අමාත්‍යාංශයේ ලේකම් වරයාගේ මෙම තදබල ඉල්ලීම පිළිබඳව හා රදගුරු සමුළුව හදිසියේ හමුවීම පිළිබඳව එම සමුළුවේ සාමාජිකයන් අතර දැඩි විමතියක් ඇතිවී ඇති අතර රාජ්‍ය නිලධාරියකු රදගුරු සමුළුවක් ඒ ආකාරයට ආමන්ත‍්‍රණය කිරීම මීට පෙර සිදුවී නැති බවද වාර්තා වේ.

මේ අතර පසුගිය 23 වැනිදා සවස 6.00ට උස්වැටකෙයියාව නාවික හමුදා හෝටලයේදී ආරක්ෂක ලේකම් ගෝඨාභය රාජපක්ෂ මහතා හදිසියේම බස්නාහිර පළාතේ සියලූම කතෝලික පියතුමන්ලාගේ රැුස්වීමක් කැඳවා තිබේ.

එම පළාතේ කතෝලික පියතුමන්ලා 50-60ත් අතර පිරිසක් එයට සහභාගි වී ඇති අතර එහිදී ආණ්ඩුවේ වත්මන් සංවර්ධන සැලසුම් පිළිබඳව සාකච්ඡුා කර ඇති අතර අනාගත කොළඹ නගරයේ සිහිනය හා සංවර්ධන සැලසුම්හි රූප රාමු පුළුල් තිරයේ ප‍්‍රදර්ශනය කර තිබේ.

මෙදින ආරක්ෂක ලේකම්වරයාගේ මෙම රැුස්වීම කතෝලික පියතුමන්ලා කැඳවා තිබෙන්නේ කලාප අනුනායක පියනමලා මගිනි. එම ආරාධනය පිළිගත් පියතුමන්ලා විශ්වාස කර තිබෙන්නේ පාප්තුමාගේ ගමන සංවිධාන කටයුතු සඳහා මෙම රැුස්වීම කැඳවා ඇති බවය. මෙම රැස්වීමෙන් පසු පියතුමන්ලාට ප‍්‍රණීත රාත‍්‍රි ආහාරයකින්ද සංග‍්‍රහ කර තිබේ.

මේ තත්ත්වයට අනුව ශ‍්‍රී ලංකා කතෝලික සභාව හා පාප්වහන්සේගේ ශ‍්‍රී ලංකා ගමන මෙහෙයවන්නේ හා පාලනය කරන්නේ මහින්ද රාජපක්ෂ ආණ්ඩුවද යන්න කතෝලික සභාවේ ප‍්‍රගතිශීලී පියතුමන්ලා ප‍්‍රශ්න කරමින් සිටින බව තවදුරටත් වාර්තා වේ.

(රාවය)

Leave a comment

worky

worky1

ld add copy

Gossip

සජිත්-අනුර විවාදය ITN  එකේ කොහොම හරි පෙන්වන්න.. ජනපතිගෙන් නියෝගයක්

සජිත්-අනුර විවාදය ITN එකේ කොහොම හරි පෙන්වන්න.. ජනපතිගෙන් නියෝගයක්

සජිත් ප්‍රේමදාස මහතා සහ අනුර කුමාර මහතා අතර පැවැත්වීමට නියමිත තමතමන්ගේ පක්ෂ වල ආර්ථික ප්‍රතිපත්ති සම...

ලක්ෂපාන ඇල්ලෙන් පැන්න තරුණ තරුණියෝ

ලක්ෂපාන ඇල්ලෙන් පැන්න තරුණ තරුණියෝ

ලෝකයේ ත්‍රාසජනක ක්‍රීඩාවක් ලෙස හදුන්වන waterfall rope swing jump ලක්ෂපාන දියඇල්ල ආශ්‍රිතව ලංකාවේ පළම...

අම්ම තාත්තගෙන් පස්සේ මට වටින්නේ එයා - දුශේනිගේ එයා කවුද?

අම්ම තාත්තගෙන් පස්සේ මට වටින්නේ එයා - දුශේනිගේ එයා කවුද?

දුශේනි කියනනේ තරුණ රංගන ශිල්පිනියක් වගේම ලෝක රූ රැජිනියක් වශයෙන් කිරුළු පැළඳ සිටින සුරුපිනියක්.

චීනයෙන් දිනේෂ්ට අමුතු සැලකිල්ලක්

චීනයෙන් දිනේෂ්ට අමුතු සැලකිල්ලක්

අග්‍රාමාත්‍ය දිනේෂ් ගුණවර්ධන, සය දින නිල සංචාරයකට චීනයට ගියේ චීන ආණ්ඩුවෙන් ලැබුණු ආරාධනාවක් අනුවය. ඉ...

Connet With Us