එසේ දෝශාරෝපනය කර ඇත්තේ, තම පුතා අත්අඩංගුවට නොගන්නා ලෙස ඉල්ලීමට ඇමතිවරයා ඊයේ දහවල් ජනාධිපතිවරයා හමුවීමට ගිය අවස්ථාවේදී ය.
'' අර තංගල්ලේ එවුන් බ්‍රිටිෂ් කාරයෙක් මරලා, මුළු ආණ්ඩුවම අමාරුවේ දැම්මා... දැන් තමුසෙගෙ පුතා තවත් සුද්දෙක් මරන්න ගිහින්. බලනවා අයිසේ, මෙහෙම වුනාම විරුද්ද පක්ෂයේ එව්නුයි, එන්.ජි.ඔ.කාරයොයි එකතුවෙලා මාව කන්න හදනවා.. කොහොමටත් මාලකව අත්අඩංගුවට ගන්න වෙනවා කියලා පොලිස්පති මට කිවා.. අනෙක්වා පස්සේ බලමු... දැනට මට කරන්න දෙයක් නැහැ..'' ජනාධිපතිවරයා මර්වින් සිල්වා ඇමතිවරයාට පවසා ඇත.
ඒ අනුව අත්අඩංගුවට ගෙන රිමාන්ඩ් බාරයට පත්කල මාලක සිල්වා මේවනවිට නවලෝක රෝහලේ දැඩි සත්කාර ඒකකයේ ප්‍රතිකාර ලබයි.
කොළඹ RMB රාත්‍රී සමාජ ශාලාවේදී ඊයේ අලුයම විදේශිකයකු සමග ඇතිවූ ගැටුමකදී මාලක සිල්වා විදේශිකයාගේ ප්‍රහාරයට ලක්විය. තම පෙම්වතියට මලක සිල්වා අනිසි බලපෑම් කල බවට එම විදේශිකයා පොලිසියට පැමිණිලි කර ඇත.
