එම පහර දීම හේතුවෙන් තුවාල ලබා මාලක සිල්වා මහතා රෝහල් ගත වී තිබූ අතර ඔහුගේ ප්රකාශ අනුව විමර්ශන කරද්දී එම ස්කොට්ලන්ත ජාතිකයා හා බිරිය සොයා ගත් බවත් එම යුවළට තුවාල සිදුවී ඇති බව පෙනී ගිය නිසා මාලක සිල්වා අත්අඩංගුවට ගත් බවත් පොලිසිය පැවසීය.
පහරකෑමට ලක්වූ මාලක සිල්වා පොලිස් ආරක්ෂාව යටතේ කොළඹ පෞද්ගලික රෝහලක මේ වන විට ප්රතිකාර ලබන බවද පොලිස් මාධ්ය ප්රකාශකවරයා සඳහන් කළේය.
කොළඹ, ඩුප්ලිකේෂන් පාරේ සමාජ ශාලාවකදී ස්කොට්ලන්ත ජාතික යුවළකට පහර දුන්නැයි සැකපිට අමාත්ය මර්වින් සිල්වා මහතාගේ පුත් මාලක සිල්වා මහතා ලබන 03 වැනිදා තෙක් රිමාන්ඩ් භාරයට පත් කරන ලෙස කොළඹ මහේස්ත්රාත් අධිකරණය ඊයේ (01) පස්වරුවේ නියෝග කළේය.
Leave a comment