උන් වහන්සේ මේ අදහස් පල කලේ පිවිතුරු හෙටක් සංවිධානයේ ඉදිරි ක‍්‍රියාමාර්ග සම්බන්ධයෙන් කරුණු පැහැදිලි කරමින්ය.
‘අනිවාර්යයෙන්ම මෙම යෝජනාවලිය පාර්ලිමේන්තුවට ඉදිරිපත් කර පාර්ලිමේන්තුව නියෝජනය කරන මැති ඇමතිවරුන්ගෙන් විවාදයකින් පසු සම්මත කර ජනතාවට අතරට ගෙනයෑමේ අවස්ථාවක් උදාවී යැයි විශ්වාස කරනවා. තවද ජනාධිපතිවරණය ජනවාරි හෝ මාර්තු යන මාස දෙක ඇතුළත පැවැත්වෙන බවට රාවයක් පවතිනවා'.
වෙනත් දේශපාලන පක්ෂයක් කුමන මතයක් දැරුවත් පිවිතුරු හෙටක් සංවිධානය මෙන්ම ජාතික හෙළ උරුමය ආණ්ඩුව සමග තවදුරටත් කටයුතු කරන්නේ විධායක ජනාධිපති ධූරය මෙන්ම නව ආණ්ඩුක‍්‍රම ව්‍යවස්ථාව සංශෝධනය කර ක‍්‍රියාත්මක කළහොත් පමණක් බව උන් වහන්සේ පවසති.
