එම මුදල් දිස්ත්‍රික් ලේකම් මගින් පවුලේ ළඟම ඥාතියෙකුට ලබාදීමට කටයුතු සැලසුම් කර ඇතැයි ආපදා කළමනාකරණ අමාත්‍ය මහින්ද අමරවීර මහතා ලංකාපුවත් ජාතික ප්‍රවෘත්ති නියෝජිතායතනයට පවසා අැත.
මේ අතර මීරියබැද්ද ප්රදේශයේ නායයෑමෙන් විපතට පත්වූවන්ට සහන සැළසීම සඳහා ඉන්දියාව සම්පූර්ණ සහය ලබාදීමට තීරණය කර තිබේ. මෙරට ඉන්දීයමහ කොමසාරිස් වයි.කේ. සිංහා මහතා, විදේශ අමාත්‍ය මහාචාර්ය ජී.එල්. පීරිස් මහතා වෙත ඒබව දන්වාඇත.
ඊයේ (29) පස්වරුවේ තාවකාලිකව නතර කෙරුණු අතුරුදන්වූවෙන් සෙවීමේ මෙහෙයුම් කටයුතු මේ වනවිට නැවතආරම්භ කර තිබෙන බවත් යුද හමුදා සෙබළුන් 500කට අධික පිරිසක් එම කටයුතු වෙනුවෙන් යොදවා ඇතැයි හමුදා ප්‍රකාශක බ්‍රිගේඩියර් රුවන් වනිගසූරිය මහතා පැවසුෙව්ය.
හමුදා ප්‍රකාශකවරයා වැඩිදුරටත් සඳහන් කරන පරිදි විශේෂ කාර්ය බලකාය සහ තවත් ගලවා ගැනීමේ මෙහෙයුම් කණ්ඩායම ප‍්‍රදේශයට ඇද හැලෙන වර්ෂාව නොතකා අතුරුදන්වූවන් සෙවීමේ කටයුතු අඛණ්ඩව සිදුකරනු ලබයි.
