හල්දුම්මුල්ල - මීරියබැද්ද ප්රදේශයේ නායයෑමෙන් විපතට පත්වූවන්ට සහන සැළසීම සඳහා ඉන්දියාව සම්පූර්ණ සහය ලබාදීමට තීරණය කර අැත. මෙරට ඉන්දීය මහ කොමසාරිස් වයි.කේ. සිංහා විදේශ අමාත්ය ආචාර්ය ජී.එල්. පීරිස් වෙත දන්වා ඇත්තේ ඒ සඳහා අවශ්ය කරන සියලූම සහය ලබාදීමට සූදානම් බවය.
ඊයේ (29) පස්වරුවේ තාවකාලිකව නතර කෙරුණු එම මෙහෙයුම් කටයුතු මේ වනවිට නැවත ආරම්භ කර අැත. මධ්යම පළාත් ආරක්ෂක සේනා ආඥාපති මේජර් ජෙනරාල් මනෝ පෙරේරා සඳහන් කළේ ප්රදේශයට ඇද හැලෙන වර්ෂාව නොතකා අතුරුදන්වූවන් සෙවීමේ කටයුතු අඛණ්ඩව සිදුකරන බවය. ඒ සඳහා 200 ක අමතර භට පිරිසක්ද යොදවා තිබේ.
නායයෑම් හේතුවෙන් අතුරුදන්වූ පුද්ගලයන් 10 දෙනෙකුගේ සිරුරු මේ වනවිට හමුවී අැත. ඊයේ උදෑසන සිදුවූ නායයෑමෙන් පුද්ගලයින් 150 කට ආසන්න පිරිසක් අතුරුදන්වී ඇති බව ජාතික ආපදා කළමනාකරන මධ්යස්ථානය සඳහන් කළේය.
මේ අතර, කොස්ලන්ද දෙමළ මහා විද්යාලයේ සහ පූනාගල අංක එක විද්යාලය සහන කඳවුරු ලෙස නම් කර ඇති අතර ඒවායේ මේ වනවිට පුද්ගලයින් 800 කට වැඩි පිරිසක් රඳවා සිටින බව ජාතික ආපදා කළමනාකරන මධ්යස්ථානය සඳහන් කළේය. ඒ අතර ළමයින් 300 කට වැඩි පිරිසක් සිටී.
Leave a comment