කෙසේවෙතත් පසුගියදා පුවත්පත් වෙබ් අඩවි වාර්තා කර සිටියේ කුමාර් ගුණරත්නම්ට ලංකාවට ඒම තහනම් වන ලෙස ඔහු අසාදු ලේඛනගත කොට ඇති බවත්ය. ආරක්ෂක අංශයන් ඔහු පිළිබද දැඩි විමසිල්ලකින් පසුවන බවත්ය.
අප වෙත වාර්තා වන පරිදි කුමාර් ගුණරත්නම් දිවයිනට පැමිණි වහාම ඔහුව අත්අඩංගුවට ගැනීමට ආරක්ෂක අංශ කටයුතු යොදා තිබේ. ලංකාවේ ඔහුට විරුද්ධව ඇති බරපතල ගණයේ චෝදනාවන් කිහිපයකට වැරදි කරු ලෙස ගුවන්තොටු‍පොලේදීම අත්අඩංගුවට ගැනීමට හැකි බවද එම ආරංචි මාර්ග පෙන්වා දෙයි.
කුමාර් ගුණරත්නම් මීට වර්ෂ දෙකකට පෙර පෙරටුගාමී සමාජවාදී පක්ෂයේ පළමු සමාරම්භක උළෙලට ආසන්නයේදී පැහැරගැනීමට ලක්වූ අතර ඔහුට සමගාමීව එම පක්ෂයේ දේශපාලන මණ්ඩල සභික දිමුතු ආටිගලද පැහැරගැනීමට ලක්විය.
මෙවැනි තත්වයක් යටතේ යළිත් වරක් කුමාර් ගුණරත්නම් ලංකාවට පැමිණෙන්නේ කෙසේද යන්න පක්ෂ අභන්තරයේ පවා දැඩි කතා බහට ලක්ව ඇති අතර මේ සම්බන්ධයෙන් අදහස් දැක්වූ වාමවාදී පක්ෂයක හිටපු දේශපාලන මණ්ඩල සභිකයකු පවසා සිටියේ පෙරටුගාමී පක්ෂය හා ආණ්ඩුව අතර ඇති කරගත් කිසියම් එකඟතාවයක් මත ගුණරත්නම්ගේ ආගමනය සිදුවන්නක් විය හැකි බවට සැක පළ කරන බවය. නමුත් ගුණරත්නම්ගේ පැමිණීම ආණ්ඩුවට වාසිදායක වන්නේ කෙසේදැයි පැහැදිලි නැත.
