ප‍්‍රහාරයට සම්බන්ධ පුද්ගලයින් අත්අඩංගුවට ගෙන නීතිය හමුවට ඉදිරිපත් කළ යුතු බව එහි ජාතික සංවිධායක රත්න ගමගේ මහතා සඳහන් කළේය .
පසු ගිය 20 වැනිදා ධීවර අමාත්‍යංශය ඉදිරිපිට දී පැවති ධීවර උද්ඝෝෂණය ඉතාමත් සාධාරණ කරැණු පදනම්ව පැවැත්වූ බවත් උද්ඝෝෂණයේ නිරතවෙමින් සිටි ධිවටයින්ට පහර දීම හා සම්බන්ධව අපක්ෂපාති පරීක්ෂණයක් පවත්වා සිද්ධියට සම්බන්ධ පුද්ගලයින්ව තරාතිරම නොබලා නීතිය හමුවට පමුණුවන්න යැයි සමස්ත ලංකා පොදු ධීවර සම්මේලනය ඉල්ලා සිටී.
අමාත්‍යංශය ඉදිරිපිට ඉකුත් දා ඇති වූ ගැටුම සම්බන්ධයෙන් තම කණගාටුව පළ කරන බව ඊයේ(22) නිවේදනයක් නිකුත් කරමින් අමාත්‍ය රාජිත සේනාරත්න මහතා කියා සිටියේය.
ගැටුමෙන් තුවාල ලැබූ සියලූ ධීවරයින්ට ඉක්මන් සුවය ප‍්‍රාර්ථනා කරන බවද අමාත්‍යවරයා ප‍්‍රකාශ කළේය. අදාළ උද්ඝෝෂණයේදී ධීවරයින් ඉල්ලා සිටි ඉල්ලීම් සම්බන්ධයෙන් මීට සතියකට පමණ පෙර සාකච්ඡාවක් පවත්වා තිබෙන බවත් එහිදී ඇති කරගත් එකඟතා සම්බන්ධයෙන් ධීවරයින් සෑහීමකට පත්වු අතර එවැනි අවස්ථාවක දේශපාලන අරමුණු පදනම් කරගනිමින් මෙවැනි උද්ඝෝෂණ සිදු කිරීම සුදුසු නොවන බව රාජිත සේනාරත්න මහතා සිය නිවේදනය මගින් වැඩිදුරටත් පෙන්වා දෙයි.
