ඔහු මේ බව සඳහන් කළේ, ඉදිරි ජාතික මැතිවරණයක දී, පක්‍ෂ කෘත්‍යාධිකාරී මණ්ඩලය නියෝජනය කරමින් මෙහෙයුම් කටයුතු සිදු කිරීම සඳහා පත් කරන ලද විශේෂ කමිටුව අද සිරිකොත මන්දිරයේ දී හමුවූ අවස්ථාවේදී ය.

ඒ අනුව ජාතික සංවිධායක දයා ගමගේට හරීන් ප්‍රනාන්දු සහාය වනවා ඇත. එජාප ජාතික සංවිධායක සහ නියෝජ්‍ය ජාතික සංවිධායක යන දෙදෙනාම පළාත් සභා මන්ත්‍රීවරුන් වීම විශේෂත්වයකි.

එක්සත් ජාතික පක්ෂය නායක කාරකාදීන් ජාතික මැතිවරණයක් කටේ තිබියදී ඊට අදාලව ත්‍රෛයි භාෂා මාධ්‍ය සම්බන්ධීකරණ කමිටුවක්, මුද්‍රිත, විද්‍යුත් මාධ්‍ය ප්‍රචාරක කමිටුවක්, දත්ත විශ්ලේෂන කමිටුවක්, කලාකරුවන්ගේ කමිටුවක්, ශිෂ්‍ය ව්‍යාපාරය මෙහෙයවීමේ කමිටුවක්, වෘත්තීය සමිති මෙහෙයවීමේ කමිටුවක්, කාන්තා කමිටුවක්, සමාජ ජාල මෙහෙයුම් කමිටුවක්, දුරකථන මෙහෙයුම් කමිටුවක්, ප්‍රවාහන පහසුකම් සඳහා කමිටුවක්, පොලිසි සහ ආරක්ෂක අංශ සම්බන්ධීකරණ කමිටුවක්, නීති ආධාර වෙනුවෙන් නීතිඥ කමිටුවක්, විවිධ දේශපාලන සහ සිවිල් සංවිධාන සම්බන්ධීකරණ කමිටුවක්, මුදල් ආධාර ලබා ගැනීමේ කමිටුවක්, ජාත්‍යන්තර තානාපති කාර්යාල අතර සම්බන්ධීකරන කමිටුවක්, පිටරට සිටින ඩයස්පෝරා ප්‍රජාව සම්බන්ධීකරණ කමිටුවක් ආදී ලෙස ප්‍රබල යාන්ත්‍රනයක් හනිකට හදා ගන්නවා වෙනුවට ලාහට ගෙම්බන් එකතු කරන්නා සේ එක් එක් පුද්ගලයන් අල්ලා තනතුරු ජංගි අන්දමින් සිටිනවා දකින්නට ලැබේ.

(මුලාශය- ලංකා ඊ නිව්ස්)