එසේම අමාත්යංශ ගණනාවක විදේශ ණය යටතේ ක්රියාත්මක ව්යාපෘති ගණනාවක් සඳහා වැය වන වියදම් අය වැයෙන් ඉවත් කිරීමට සැලසුම් කරන බවටත් තමන්ට තොරතුරු ලැබී ඇතැයි එක්සත් ජාතික පක්ෂයේ පාර්ලිමේන්තු මන්ත්රී ආචාර්ය හර්ෂ ද සිල්වා මහතා ඊයේ (16) පැවති මාධ්ය හමුවකදී ප්රකාශ කළේය.
ණය ලබා ගන්නේ නම් ඒවා පිළිබඳව පාර්ලිමේන්තුවට අනාවරණය කොට විනිවිද භාවයකින් යුතුව කටයුතු කළ යුතු බව ඔහු පැවසිය.
ව්යවස්ථා විරෝධීයි
ව්යවස්ථා විරෝධී අයවැයක් ඉදිරිපත් නොකරන ලෙසට තම පක්ෂය ඉල්ලා සිටින බව පාර්ලිමේන්තු මන්ත්රී ආචාර්ය හර්ෂ ද සිල්වා තවදුරටත් ප්රකාශ කළේය.
රජයේ සේවකයන්ගේ වැටුප් අවම වශයෙන් රුපියල් දස දහසකින් වැඩි කළ යුතු බව එක්සත් ජාතික පක්ෂයේ පිළිගැනීම බවත් එසේ කළ යුතු බවට අමුතුවෙන් හේතු දැක්වීමට අවශ්ය නැති බවත් ඔහු පැවසුවේය.
ජීවන බර වැඩි වීම ගැන තර්ක විතර්ක ඉදිරිපත් කිරීමට අවශ්ය නැති බව හර්ෂ ද සිල්වා මන්ත්රීවරයා ප්රකාශ කළේය.
(බිබිසි සංදේශය)
අයවැය පරතරය අඩු කිරීම සඳහා වංචනික ක්රම වේදයක් අනුගමනය කරන බවට එක්සත් ජාතික පක්ෂය රජයට චෝදනාවක් එල්ල කරයි.
Leave a comment