දුමින්ද ලෙශාන් පෙරේරා නමැති කථිකාචාර්යවරයකු මෙලෙස රක්ෂිත බන්ධනාගාරගත කෙරිණි.


සැකකාර කථිකාචාර්යවරයා විසින් තම ජංගම දුරකතනයෙන් SMS  පණිවුඩ යවමින් සජින් වාස් ගුණවර්ධන මන්ත්‍රිවරයාට තර්ජන එල්ල කළ බවට ඔහු විසින් කොළඹ අපරාධ කොට්ඨාසයට කරන ලද පැමිණිල්ලකට අනුව සැකකරු අත්අඩංගුවට ගෙන ගල්කිස්ස අධිකරණයට ඉදිරිපත් කර තිබිණි.


සැකකරු අධිකරණයට ඉදිරිපත් කළ අවස්ථාවේ ඔහු වෙනුවෙන් පෙනී සිටි නදීශා ප්‍රනාන්දු සහ රංගිකා අරංගල යන නීතිඥවරුන් කරුණු දක්වමින් සැකකරු මානසික රෝගයකින් පෙළෙන අයකු බවත් ඔහු මේ රෝගයට ප්‍රතිකාර ලබාගෙන ඇති බවට පවුලේ සාමාජිකයන් විසින් තමන්ට උපදෙස් ලබාදී ඇති බවත් පවසා සිටියහ.

එම කරුණු සැලකිල්ලට ගත් මහෙස්ත්‍රාත්වරයා සැකකරු මානසික රෝග පිළිබඳ විශේෂඥ වෛද්‍යවරයකු වෙත ඉදිරිපත් කර වාර්තාවක් ලබා ගන්නා ලෙස බන්ධනාගාරයට නියෝග කෙළේය.